Page Text
________________ 234 मलयगिरिमहर्षिविनिर्मितविवृत्युपेतं [गाथाः सम्प्रत्यनिवृत्तिबादरस्य बन्धादिस्थानान्युच्यन्ते-“एगेगम?" ति अनिवृत्तिबादरस्यैकं बन्धस्थानम्-यशःकीर्तिः / एकमुदयस्थानम्-त्रिंशत् / अष्टौ सत्तास्थानानि, तद्यथा-त्रिनवतिः द्विनवतिः एकोननवतिः अष्टाशीतिः अशीतिः एकोनाशीतिः षट्सप्ततिः पञ्चसप्ततिश्च। तत्राद्यानि चत्वार्युपशमश्रेण्यां क्षपकश्रेण्यां वा यावद् नामत्रयोदशकं न क्षीयते / त्रयोदशसु च नामसु यथाक्रमं त्रिनवत्यादेः क्षीणेषुपरितनानि चत्वारि सत्तास्थानानि भवन्ति / बन्ध-उदय-स्थानभेदाभावादन संवेधो न सम्भवतीति नाभिधीयते। सूक्ष्मसम्परायस्य बन्धादीन्युच्यन्ते—“एगेगमट्ट" ति सूक्ष्मसम्परायस्यै बन्धस्थानम्यशःकीर्तिः / एकमुदयस्थानम्-त्रिंशत् / अष्टौ सत्तास्थानानि, तानि चानिवृत्तिबादरस्येव वेदितव्यानि / तत्राद्यानि चत्वार्युपशमश्रेण्यामेव, उपरितनानि तु क्षपकश्रेण्याम् / "छउमत्थकेवलिजिणाणं" इत्यादि। छद्मस्थजिनाः-उपशान्तमोहाः क्षीणमोहाश्च, केवलिजिनाः-सयोगिकेवलिनोऽयोगिकेवलिनश्च, तेषां यथाक्रममुदय-सत्तास्थानानि-"एक चऊ" इत्यादीनि / तत्रोपशान्तमोहस्यैकमुदयस्थानम्-त्रिंशत् / चत्वारि सत्तास्थानानि, तद्यथा-त्रिनवतिः द्विनवतिः एकोननवतिः अष्टाशीतिश्च / क्षीणकषायस्यैकमुदयस्थानम्-त्रिंशत् / अत्र भङ्गाश्चतुर्विंशतिरेव, वज्रर्षभनाराचसंहननयुक्तस्यैव क्षपकश्रेण्यारम्भसम्भवात् / तत्रापि तीर्थकरसत्कर्मणः क्षीणमोहस्य सर्व संस्थानादि प्रशस्तमित्येक एव भङ्गः / चत्वारि सत्तास्थानानि, तद्यथा—अशीतिः एकोनाशीतिः षट्सप्ततिः पञ्चसप्ततिश्च / एकोनाशीति-पञ्चसप्तती अतीर्थकरसत्कर्मणो वेदितव्ये / अशीति-षट्सप्तती तु तीर्थकरसत्कर्मणः / सयोगिकेवलिनोऽष्टावुदयस्थानानि, तद्यथा-विंशतिः एकविंशतिः षड्विंशतिः सप्तविंशतिः अष्टाविंशतिः एकोनत्रिंशत् त्रिंशद् एकत्रिंशत् / एतानि सामान्यतो नाम्न उदयस्थानचिन्तायां सप्रपञ्चं विवृतानीति न भूयो विवियन्ते / चत्वारि सत्तास्थानानि, तद्यथा-अशीतिः एकोनाशीतिः षट्सप्ततिः पञ्चसप्ततिः / सम्प्रति संवेध उच्यते-स च जीवस्थानेषु पर्याप्तसंज्ञिद्वारे यथा कृतस्तथाऽत्रापि भावयितव्यः / अयोगिकेवलिनो द्वे उदयस्थाने, तद्यथा—नव अष्टौ च / तत्राष्टोदयोऽतीर्थकरायोगिकेवलिनः, नवोदयस्तीर्थकरायोगिकेवलिनः / षट् सत्तास्थानानि, तद्यथा—अशीतिः एकोनाशीतिः षट्सप्ततिः पञ्चसप्ततिः नव अष्टौ चें। सम्प्रति संवेध उच्यते-तत्राष्टोदये त्रीणि सत्तास्थानानि, तद्यथा-एकोनाशीतिः पञ्चस१ से 1 त० म० °ने वेदितव्ये, तय° // 2 सं० सं० 2 मुद्रि० च / तत्राटो //
| SR No. | 004335 |
| Book Title | Pancham Shataknama evam Saptatikabhidhan Shashtha Karmgranth |
| Original Sutra Author | N/A |
| Author | Chandraguptasuri |
| Publisher | Jain Atmanand Sabha |
| Publication Year | 1997 |
| Total Pages | 334 |
| Language | Sanskrit |
| Classification | Book_Devnagari |
| File Size | 8 MB |