Pancham Shataknama evam Saptatikabhidhan Shashtha Karmgranth

SR No.: 004335
Original Sutra Author: N/A
Author: Chandraguptasuri
Publisher: Jain Atmanand Sabha
Publication Year: 1997
Total Pages: 334
Language: Sanskrit
Classification: Book_Devnagari
File Size: 8 MB

Page 112

49-50 ] शतकनामा पञ्चमः कर्मग्रन्थः। प्रदेशमेवाभ्येति, तदनन्तरं प्रन्थि प्राप्य भूयोऽपि निवर्तते, निवर्त्य च प्रभूतं स्थितिबन्धं करोतीति // 48 // निरूपितः सर्वगुणस्थानकेषु स्थितिबन्धः / साम्प्रतमेकेन्द्रियादिजीवानाश्रित्य स्थितिबन्धानामेवाल्पबहुत्वं गाथात्रयेणाह जइलहुबंधो बायर, पज्ज असंखगुण सुहमपजाहिगो। एसि अपजाण लहू, सुहमेअरअपजपज्ज गुरू // 49 // ... सर्वस्तोको यतिलघुबन्धो जघन्यस्थितिबन्ध इत्यर्थः, सूक्ष्मसम्पराये आन्तौहूर्तिक एव भवतीति कृत्वा १।ततो यतिलघुस्थितिबन्धाद् बादरपर्याप्तैकेन्द्रियस्य जघन्यस्थितिबन्धोऽसङ्ख्यातगुणः 2 / ततः सूक्ष्मपर्याप्तैकेन्द्रियस्य जघन्यस्थितिबन्धः “अहिगु" ति विशेषाधिकः 3 / ततः "एसिं" ति अनयोर्बादर-सूक्ष्मयोरपर्याप्तयोः “लघु" त्ति जघन्यस्थितिबन्धोऽधिको वाच्यः / अयमर्थः ततः सूक्ष्मपर्याप्तैकेन्द्रियस्य जघन्यस्थितिबन्धाद् बादरापर्याप्तैकेन्द्रियस्य जघन्यस्थितिबन्धो विशेषाधिकः 4, ततः सूक्ष्मापर्याप्तैकेन्द्रियस्य जघन्यस्थितिबन्धो विशेषाधिकः 5 / "सुहुमेयरअपजपज गुरु" ति ततः सूक्ष्मापर्याप्तैकेन्द्रियस्य "गुरु" ति उत्कृष्टः स्थितिबन्धो विशेषाधिकः 6, ततः "इयर" त्ति बादरापर्याप्तैकेन्द्रियस्योत्कृष्टः स्थितिबन्धो विशेषाधिकः 7, ततः सूक्ष्मपर्याप्तैकेन्द्रियस्योत्कृष्टः स्थितिबन्धो विशेषाधिकः 8, ततो बादरपर्याप्तैकेन्द्रियस्योस्कृष्टः स्थितिबन्धो विशेषाधिकः 9 // 49 // लहु बिय पजअपजे, अपजेयर बिय गुरू हिगो एवं / / - ति चउ असन्निसु नवरं, संखगुणो बियअमणपज्जे // 50 // ततः "लहु" त्ति 'लघुः' जघन्यः स्थितिबन्धः “बिय" ति द्वीन्द्रिये “पज्ज" त्ति पर्याप्ते वाच्यः / कियत्प्रमाणः ? इत्याह-"संखगुणो बियअमणपज्जे" इति वचनात् सञ्चयातगुण इत्यर्थः / ततस्तस्मिन्नेवापर्याप्तेऽधिको लघुः स्थितिबन्धः, ततोऽपर्याप्तेतरद्वीन्द्रिये गुरुः स्थितिबन्धोऽधिको वाच्यः / एवं द्वीन्द्रियोक्तप्रकारेण "ति" त्ति त्रीन्द्रियेऽपर्याप्त-पर्याप्ते लघुस्थितिबन्धौ द्वौ, त्रीन्द्रिये एवापर्याप्त-पर्याप्ते द्वौ गुरुस्थितिबन्धौ वाच्यौ / “चउ" ति चतुरिन्द्रियेऽपर्याप्त-पर्याप्ते लघुस्थितिबन्धौ द्वौ, चतुरिन्द्रिये एवापर्याप्त-पर्याप्ते गुरुस्थितिबन्धौ द्वौ वाच्यौ / "असन्निसु" ति असंज्ञिनि पर्याप्ता-ऽपर्याप्ते लघुस्थितिबन्धौ द्वौ, असंज्ञिनि एवापर्याप्त-पर्याप्त गुरुस्थितिबन्धौ द्वौ वाच्यौ / किंप्रमाणाः पुनरेते स्थितिबन्धा वाच्याः ? इत्याह-“अहिगु" त्ति 'अधिकाः' विशेषाधिका वाच्याः / किं सर्वेऽपि स्थितिबन्धा विशेषाधिका एव वाच्याः ? उताहो कुत्रचिदस्ति विशेषोऽपि ? इत्याह-"नवरं संखगुणो बियअमणपजे" त्ति 'नवरं' केवलमियान् विशेषः, सङ्ख्यातगुणो वाच्यः, पर्याप्तशब्दस्य प्रत्येकं सम्बन्धाद् द्वीन्द्रिये पर्याप्ते असंज्ञिनि पर्याप्ते; अन्यत्र सामर्थ्यात् सर्वत्र विशेषाधिक इति गाथाक्षरार्थः / भावार्थस्त्वयम्बादरपर्याप्तैकेन्द्रियोत्कृष्टस्थितिबन्धाद् द्वीन्द्रियपर्याप्तस्य जघन्यः स्थितिबन्धः सङ्ख्येयगुणः 10 ततोऽपर्याप्तद्वीन्द्रियस्य जघन्यः स्थितिबन्धो विशेषाधिकः 11 ततोऽपर्याप्तद्वीन्द्रियस्योत्कृष्टः स्थितिबन्धो विशेषाधिकः 12 ततः पर्याप्तद्वीन्द्रियस्योत्कृष्टः स्थितिबन्धो विशेषाधिकः 13