________________ 3. 299. 15 ] महाभारते [3. 299. 29 प्रच्छन्नं चापि धर्मज्ञ हरिणा वृत्रनिग्रहे। वजं प्रविश्य शक्रस्य यत्कृतं तच्च ते श्रुतम् // 15 हुताशनेन यच्चापः प्रविश्य छन्नमासता / विबुधानां कृतं कर्म तच्च सर्व श्रुतं त्वया // 16 एवं विवस्वता तात छन्नेनोत्तमतेजसा / निर्दग्धाः शत्रवः सर्वे वसता भुवि सर्वशः // 17 विष्णुना वसता चापि गृहे दशरथस्य वै / दशग्रीवो हतश्छन्नं संयुगे भीमकर्मणा // 18 एवमेते महात्मानः प्रच्छन्नास्तत्र तत्र ह / अजयञ्शात्रवान्युद्धे तथा त्वमपि जेष्यसि // 19 तथा धौम्येन धर्मज्ञो वाक्यैः संपरितोषितः / शास्त्रबुद्ध्या स्वबुद्ध्या च न चचाल युधिष्ठिरः॥२० अथाब्रवीन्महाबाहुर्भीमसेनो महाबलः / राजानं बलिनां श्रेष्ठो गिरा संपरिहर्षयन् // 21 अवेक्षया महाराज तव गाण्डीवधन्वना / धर्मानुगतया बुद्ध्या न किंचित्साहसं कृतम् // 22 शक्तौ विध्वंसने तेषां शत्रुघ्नौ भीमविक्रमौ // 23 न वयं तत्प्रहास्यामो यस्मिन्योक्ष्यति नो भवान् / भवान्विधत्तां तत्सर्वं क्षिप्रं जेष्यामहे परान् // 24 इत्युक्ते भीमसेनेन ब्राह्मणाः परमाशिषः / प्रयुज्यापृच्छय भरतान्यथास्वान्स्वान्यप॒हान् // 25 सर्वे वेदविदो मुख्या यतयो मुनयस्तथा / आशीरुक्त्वा यथान्यायं पुनर्दर्शनकाङ्गिणः // 26 सह धौम्येन विद्वांसस्तथा ते पञ्च पाण्डवाः। . उत्थाय प्रययुर्वीराः कृष्णामादाय भारत // 27 क्रोशमात्रमतिक्रम्य तस्माद्देशान्निमित्ततः। ' श्वोभूते मनुजव्याघ्राश्छन्नवासार्थमुद्यताः // 28 पृथक्शास्त्रविदः सर्वे सर्वे मत्रविशारदाः / संधिविग्रहकालज्ञा मत्राय समुपाविशन् // 29 इति श्रीमहाभारते भारण्यकपर्वणि एकोनत्रिशततमोऽध्यायः // 299 // ॥समाप्तमारणेयपर्व // // समाप्तमारण्यकपर्व //
