________________ विभाग] जिनसहस्रनामस्तवनम् प्रकृतिः ख्यातिरारूढप्रकृतिः प्रकृतिप्रियः / प्रधानभोज्योऽप्रकृतिविरम्यो विकृतिः कृती // 120 // मीमांसकोऽस्तसर्वज्ञः श्रुतिपूतः सदोत्सवः। परोक्षज्ञानवादीष्टपावकः सिद्धकर्मकः // 121 // चार्वाको भौतिकशानो, भूताभिव्यक्तचेतनः। प्रत्यक्षैकप्रमाणोऽस्तपरलोको गुरुश्रुतिः॥ 122 // पुरन्दरविद्धकर्णो, वेदान्ती संविदद्वयी। शब्दाद्वैती स्फोटवादी, पाखण्डघ्नो नयौघयुक् // 123 // . 10 अथ अन्तकृच्छतम् अन्तकृत्पारकृत्तीरप्राप्तः पारेतमास्थितः। त्रिदण्डी दण्डितारातिनिकर्मसमुच्चयी॥१२४॥ संह(इ)तध्वनिरुच्छन्नयोगः सुप्तार्णवोपमः। योगस्नेहापहो योगकिष्टिनिर्लेपनोधतः // 125 // .. स्थितस्थूलवपुर्योगो, गीर्मणोयोगकार्यकः। सूक्ष्मवाचित्तयोगस्थः सूक्ष्मीकृतवपुःक्रियः॥१२६ // सूक्ष्मकायक्रियास्थायी, सूक्ष्मवाचित्तयोगहा। एकदण्डी च परमहंसः परमसंवरः॥१२७॥ नैःकर्म्यसिद्धः परमनिर्जरः प्रज्वलत्प्रभः। मोधकर्मा त्रुटत्कर्मपाशः शैलेश्यलंकृतः॥१२८॥ एकाकाररसास्वादो, विश्वाकाररसाकुलः। अजीवनमृतोऽजाग्रदसुप्तः शून्यतामयः // 129 // प्रेयानयोगी चतुरशीतिलक्षगुणोगुणः। निःपीतानन्तपर्यायो विद्यासंस्कारनाशकः // 130 // वृद्धोऽनिर्वचनीयोऽणुरणीयाननणुप्रियः। प्रेष्ठः स्थेयान् स्थिरो निष्ठः, श्रेष्ठो ज्येष्ठः सुनिष्ठितः // 131 // भूतार्थशूरो भूतार्थदूरः परमनिर्गुणः। व्यवहारसुषुप्तोऽतिजागरूकोऽतिसुस्थितः // 132 / / उदितोदितमाहात्म्यो, निरुपाधिरकृत्रिमः। अमेयमहिमात्यन्तशुद्धः सिद्धिस्वयंवरः॥१३३॥ सिद्धानुजः सिद्धपुरीपान्थः सिद्धगणातिथिः। सिद्धसङ्गोन्मुखः सिद्धालिङ्ग्यः सिद्धोपगूहकः // 134 // पुष्टोऽष्टादशसहस्रशीलाङ्गपुण्यशम्बलः। वृत्ताग्रयुग्मः परमशुक्ललेश्योऽपचारकृत् // 135 // क्षेपिष्ठोऽन्त्यक्षणसखा पञ्चलघ्वक्षरस्थितिः। द्वासप्ततिप्रकृत्यासी त्रयोदशकलिप्रणुत्॥१३६ // अवेदोऽयाजकोऽयज्योऽयाज्योऽनग्निपरिग्रहः / अनग्निहोत्री परमनिःस्पृहोऽत्यन्तनिर्दयः // 137 //
