________________ विभाग] 253 अर्हन्नामसहस्रसमुच्चयः कृती कृतार्थः संस्कृत्यः, कृतकृत्यः क्रतक्रतुः / नित्यो मृत्युञ्जयोऽमृत्युरमृतात्माऽमृतोद्भवः॥१॥ हिरण्यगर्भः श्रीगर्भः, प्रभूतविभवोऽभवः / स्वयंप्रभः प्रभूतात्मा, भवो भावो भवान्तकः // 2 // महाशोकध्वजोऽशोकः, कः स्रष्टा पद्मविष्टरः / पद्मशः पद्मसम्भूतिः, पद्मनाभिरनुत्तरः // 3 // पद्मयोनिर्जगद्योनिरित्यः स्तुत्यः स्तुतीश्वरः / स्तवनार्हो हृषीकेशोऽजितो जेयः कृतक्रियः // 4 // विशालो विपुलो धोतिरतुलोऽचिन्त्यवैभवः।। सुसंवृत्तः सुंगुप्तात्मा, शुभंयुः शुभकर्मकृत् // 5 // एकविधो महावैद्यो, मुनिः परिवृढो दृढः।। यतिर्विद्यानिधिः साक्षी, विनेता विहतान्तकः // 6 // पिता पितामहः पाता, पवित्रः पावनो गतिः। त्राता भिषग्वरो वर्यो, वरदः पारदः पुमान् // 7 // कविः पुराणपुरुषो, वर्षीयान् ऋषभः पुरुः / प्रतिष्ठाप्रसवो हेतुर्भुवनैकपितामहः // 8 // श्रीवत्सलक्षणः श्लक्ष्णो लक्षण्यः शुभलक्षणः। निरक्षः पुण्डरीकाक्षः, पुष्कलः पुष्कलेक्षणः // 9 // सिद्धिदः सिद्धसङ्कल्पः, सिद्धात्मा सिद्धशासनः। बुद्धबोध्यो महाबुद्धिर्वर्धमानो महर्द्धिकः // 10 // वेदाङ्गो वेदविद् वेद्यो, जातरूपो विदांवरः। वेदवैद्यः स्वसंवेद्यो, विवेदो वदतांवरः // 11 // इति चतुर्थशतप्रकाशः // 400 // सुधर्मा धर्मधीधर्मो, धर्मात्मा धर्मदेशकः / धर्मचक्री दयाधर्मः शुद्धधर्मो वृषध्वजः // 1 // वृषकेतुर्वृषाधीशो, वृषाङ्कश्च वृषोद्भवः। हिरण्यनाभिर्भूतात्मा, भूतभृद् भूतभावनः // 2 // प्रभवो विभवो भास्वान् , मुक्तः शक्तोऽक्षयोऽक्षतः / कूटस्थः स्थाणुरक्षोभ्यः, शास्ता नेताऽचलस्थितिः // 3 // अग्रणी मणीर्गण्यो, गण्यगण्यो गणाग्रणीः / गणाधिपो गणाधीशो, गणज्येष्ठो गणार्चितः // 4 // गुणाकरो गुणाम्भोधिर्गुणज्ञो गुणवान् गुणी। गुणादरो गुणोच्छेदी, सुगुणोऽगुणवर्जितः // 5 // . शरण्यः पुण्यवाक् पूतो, वरेण्यः पुण्यगीर्गुणः। अगण्यपुण्यधीः पुण्यः, पुण्यकृत् पुण्यशासनः // 6 // अतीन्द्रोऽतीन्द्रियोऽधीन्द्रो, महेन्द्रोऽतीन्द्रियार्थदृक् / अतीन्द्रियो महेन्द्रायॊ [अनिद्रोऽहमिन्द्रायॊ (पाठांतर)], महेन्द्रमहितो महान् // 7 //
