Page Text
________________ उपमितिभवप्रपंचाकथाद्धारे अधिकार -7 125 गुणलाभाय / यथा च महाभद्रया सुललितायाः पुण्डरीकस्य च समन्तभद्रसूरि-द्वारा सदागमे भक्तिरुत्पादिता तथाऽद्यापि सुसाधवः पर-हितैकनिरताः सन्तो लघुकर्मणां गुरुकर्मणां वाऽपि सत्त्वानां येन केनोपायेन जनयन्त्येव जिनागमे भक्तिम् / ___ यच्चाऽनुसुन्दरेण सुललिता-पुण्डरीकयोः संवेग-जननार्थं सप्रपञ्चं स्वभव-भ्रमणस्वरूपमाख्यातं, तत् प्रायः सर्वेषामपि संसारि-सत्त्वानां सममेव / यथा च सुललिता गुरु-कर्मतया पूर्वं तत्त्वमनवबुध्यमानाऽगृहीतसङ्केतेत्युक्ता, यदि पुनस्तया सदागमः शुश्रूषा न शिथिलीकृता, ततो जाता सर्वसिद्धिः तथाऽन्योऽपि भव्यसत्त्वो गुरुकर्मतया गुरुवचसा तत्त्वमविन्दन्नगृहीतसङ्केत एवोच्यते चेत्पुनरसौ तथापि श्रुतश्रवणादरं न मुञ्चति, तर्हि लभेतैव तत्त्वज्ञानमिति। - तदेवं भो भव्या ! लोकस्थिति-कालपरिणति-कर्मपरिणाम-स्वभाव-भवितव्यतानिजभव्यताद्यन्योन्य-सापेक्षकारणसमुदयजनितं .भवप्रपञ्चं तत् परिपाक-लभ्यं, तदुच्छेदकं च परमेश्वरानुग्रहं विज्ञाय, तथा वस्तुतो जिनाज्ञाऽऽराधन-विराधनजौ मोक्षभवौ सम्यग् विभाव्य जिनाज्ञा-पालन एव यतितव्यं भवद्भिर्वर्जनीयं चाऽऽज्ञा-विराधनं, विजेतव्याश्च विषयकषाया-ऽऽद्यऽन्तरङ्गरिपवो, रोधव्यान्याश्रवद्वराणि निग्राह्य इन्द्रियग्रामो, यथाऽपयाति सकलं मलपटलं, प्रादुर्भवति सद्गुणकदम्बकं, शीघ्रं च भवदुःखक्षयं विधायाऽनन्तसुखसदनं शिवपदं लभेध्वमिति / इत्येवं निपुणं विभाव्य भविकाः संसारदुःखक्षयो पायं तात्त्विकमव्यपायि परमानन्दैकसंसाधनम् / * ' मुक्त्वाऽऽलस्यमपास्य कुग्रहमयो हित्वा कदाशां तथा कुर्वीध्वं दृढमुद्यमं यदचिरात् सर्वार्थसिद्धिर्भवेत् // 1 // [शार्दूलविक्रीडितवृत्तम्-] इत्ययं हंसरत्नेन स्वल्पबुद्धिहितेच्छया / उपमित्याः कथोद्धारो लिलिखे लेशमात्रतः // 2 // . इत्युपमिति भवप्रपञ्चा-कथोद्धारे सप्तमोऽधिकारः / सम्पूर्णोऽयं प्रबन्धः / इति श्री स्वस्त्यस्तु श्रमणसङ्घायेत्याशीर्वचः // संवत 1790 वर्षे महासुदी 15 पूर्णमासी-दिने सम्पूर्णीकृतोऽयं ग्रन्थः श्री अर्गालापुरमध्ये वामया चन्द्रेण // श्रीरस्तु // श्लोकः 3220 // // कल्याणमस्तु // . ... संपूर्ण ...
| SR No. | 004309 |
| Book Title | Upmiti Kathoddhar |
| Original Sutra Author | N/A |
| Author | Munichandrasuri |
| Publisher | Omkar Gyanmandir Surat |
| Publication Year | 1981 |
| Total Pages | 146 |
| Language | Sanskrit, Hindi |
| Classification | Book_Devnagari |
| File Size | 17 MB |