________________ 112 श्री हंसविजयविरचिते सम्यक्त्व-गृहिधर्ममाराध्य सौधर्मादिषु गतस्ततः कदाचित् कर्मभूमौ नरत्वेन, कदाचिच्चाऽकर्मभूमौ युगलत्वेन पुनः कर्मभूमि-मनुष्यत्वेनोत्पन्नस्तत्राऽज्ञानवशाद् विषभक्षण-पर्वतपात-करपत्रग्रहण-माघस्नानादिकष्टमनुभूय किल्बिषिको जातः / पुननरत्वं प्राप्य तापसाद्यवस्थामासेव्य ज्योतिषो जातः पुनर्नरत्वे द्रव्यसाधुत्वं गृहीत्वा केवलक्रिया-पालनात् नवम-ग्रैवेयकं यावद् गतः / इत्थं हे भद्रे ! सिंहाचार्यभवेऽहङ्कारकरणात् क्रिया-शैथिल्यादनन्तं संसारं भ्रान्तोऽहम्, नाना-दुःखपरम्पराश्चाऽनुभूतास्ततो यदि तत्र भवे ज्ञान-मदं नाऽकरिष्यं तदा तद्भव एव सिद्धिमगमिष्यमित्यादि श्रुत्वाऽगृहीतसङ्केतोचे"यदि तात! सिंहाचार्यभवे त्वया विशुद्धा सुस्थितराजस्यऽऽज्ञा-पालिताऽभविष्यत् तदैतावत्यः कष्टपरम्परास्ते नाऽभविष्यन् / यत् त्वया तद्-भवे ज्ञानमदेन तदाज्ञा-विराधनं कृतं, तत् त्वया न सुन्दरं कृतमिति / " ततः संसारिजीवः प्राह-साधु साधु भद्रे ! कथितं त्वया अतः पूर्वं तु त्वं नामतः परमार्थोऽपि चाऽगृहीतसङ्केतैवाऽभूः / साम्प्रतं तु परमार्थोऽवधारितस्त्वया ततो नामत एवाऽगृहीतसङ्केता परमार्थततस्तु विचक्षणासीति" एवं सर्वज्ञाऽऽज्ञोल्लङ्घनजं दुर्विपाकमालोक्य सुविशुद्धाज्ञा-पालनयत्नः कार्यस्ततो विबुधैः इत्युपमिति-कथोद्धारे आज्ञा-विराधन श्रुतमदादि-विपाक-दर्शनाख्यः षष्ठोऽधिकारः // 6 //
