Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 44

चरितम् ] लघुत्रिषष्टिशलाकापुरुषचरितम् ग्रावाप्येकत्र तरति परस्यां दारु मजति / पद्ययेवोत्ततारैष वर्द्धकिप्रतिबद्धया // 37 // युग्मम् // उत्तराभिमुखद्वारकपाटोद्घाटनं स्वतः / प्रवृत्तं पुण्यवृत्त्यास्य निर्ययौ स गुहामुखात् // 38 // उदग्रभरतवर्षा? आपाता नाम दुर्मदाः / किरातास्ते प्रतिग्राम सङ्ग्रामं चक्रिणा दधुः // 39 // पराजितास्ते सेनान्या सिन्धोस्तटमुपाश्रिताः / ध्यानं दधुर्मेधमुखा नागामृतभुजां तदा // 40 // तेऽपि तत्तपसाकृष्टास्तदैवमाचचक्षिरे / नाऽयं चक्रभृदस्माभिर्वार्यों वीर्यादनुत्तरः // 41 // तथाऽप्यस्य करिष्यामः श्यामलं बहुलं बलम् / विकृत्य श्यामलान् मेघान् विधुदुत्पातगजितेः // 42 // जलोपद्रवमत्युग्रं प्लाव्यमानैर्मतङ्गजैः। हयवजैः पटावासैदृष्ट्वा चक्री परामृशत् // 43 // शक्रस्यैवमारक्ष्या निर्भया जयवाहिनी / मत्वाऽस्पृशचर्मरत्नं चक्री तद् ववृधे तदा // 44 // योजनानि द्वादशाधस्तस्मिन् भूपः ससैनिकः / ___ तस्थौ पोत इव क्षीरराशौ तरणकारिणि // 5 // उपरिष्टादातपत्ररत्नं चक्रिकराग्रहात् / द्वादशयोजनीमानं संदधे रेणुवारणम् // 46 // मणिरत्नं पुनर्धान्तध्वंसनाय प्रदीपितम् / अन्तरा ववृधे धान्यं गृहिरत्नेन वापितम् // 47 // यत् प्रातरुप्तं तत् सायं भोजनाय जनेऽभवत् / एवं शाकपाकमुखं निरपायमजायत / / 48 // सप्ताऽभूवनहोरात्राण्यातं तत्र वर्षताम् / तेषां नागकुमाराणां तदा कल्पान्तकालवत् // 49 / / ततः षोडशसाहस्रया यक्षाणां तन्निवारिताः / वारितापाद् विरमन्तु नारितापोऽभवद्धितः / / 50 // शक्रोऽज्ञास्यत्तदानीं वोऽभविष्यत् स्थानबाधनम् / मैत्रीपात्रं यतोऽस्यावां सूनोः श्रीनाभिजन्मनः // 51 // समानाकारका देवास्तेऽभवंश्चक्रिसेवकाः / ते सत्कृताः समादायोपचारं तत्कृतं पुनः // 52 // गिरिसागरमर्यादं सिन्धोरुत्तरनिष्कुटम् / साधयित्वा सुषेणोऽपि सेनानीश्चक्रिणाऽमिलत् / / 53 // जगाम क्षुद्रहिमवनगेन्द्रं भरतेश्वरः। अष्टमान्ते स चिक्षेप शरमुद्दिश्य तत् प्रभुम् / / 54 / / द्वासप्तति योजनानि नभोऽवगाह्य पक्षिवत् / हिमाचलकुमारस्य देवस्य पुरतोऽपतत् // 55 // प्राग्वत् क्रुद्धोपशान्तः सन् देवदूष्याणि चन्दनम् / भूषणानि सरत्नानि स सुरस्तमढौकयत् / / 56 //