________________ चरितम् ] लघुत्रिषष्टिशलाकापुरुषचरितम् [ 335 अर्द्धचितां तां प्रतिमां मुक्त्वा देवालयस्थिताः / ___ शाश्वतीः प्रतिमा नन्तुं भायलो भवने गतः // 519 // धरणे मिलिते तत्र भायलोऽभाषतोरगम् / __ प्रसिद्धिर्मम नाम्नः स्यात् तथा कुरु 'पुरुषभ // 520 // प्रद्योतः पुरमत्रैव त्वन्नाम्ना वासयिष्यति / __कृतार्द्धप्रतिमापूजोत्राऽगास्तस्य फलं त्विदम् // 521 // गुप्तैव मिथ्याग्भिः सा प्रतिमा पूजयिष्यते / आदित्यो भायलस्वामीत्याख्यायाकृतितो बहिः // 522 // भायलः स्वाश्रयं प्राप नागाभ्यां दर्शिताऽध्वना / राजाऽप्युदायनो दासी नष्टां प्रतिमयाऽन्विताम् // 523 // विज्ञायाऽनिलवेगेभपादैः प्रद्योतमागतम् / तमभ्यषेणयन् मार्गे जलार्थ सुरमस्मरत् // 524 / / युग्मं // त्रिपुष्करसरःपूर्त्या सैनिका मुदमादधुः / जीयमाने रणेऽगृह्णात् प्रद्योतं चाऽप्युदायनः / 525 // सम्प्राप्य दिव्यप्रतिमां नत्वा नेतुं प्रचक्रमे / न चचालाऽचल इव प्रतिमाऽतः पुरान् मनाक् // 526 // प्रत्यावृत्त्योदायनस्य प्राप्ता पर्युषणाऽध्वनि / मिथः क्षामणया देशं प्रद्योताय ददौ जयी 527 / पट्ठबन्धं च सौवर्ण निदधे लिप्यदृष्टये / पुरं दशपुरं जज्ञे स्कन्धावारस्थले तदा // 528 // प्रद्योतो मूलबिम्बस्याऽर्चाय दशपुरं ददौ / विदिशायां देवकीयं पुरमाशु न्यवेशयत् // 529 // विद्युन्मालिकृतार्चायै दशग्रामसहस्रिका / राज्ञा दत्ता शासनेऽपि तीर्थ तत् प्रथितं ततः / 530 / प्रभावती देवगिरा बिम्बं वीतभये स्थितम् / - भक्त्या संपूजयामास नृपोऽप्युदायनः सदा // 531 // ब्रह्मर्षिणा केवलिना कपिलेन महात्मना / श्वेताम्बरेण प्रतिमा महोत्सवैः प्रतिष्ठिता // 532 // अन्यदा पौषधे राज्ञा ध्यातोऽपि चरमो जिनः / आयाति चेद् वीतभयं प्रव्रजेयं तदन्तिके // 533 // 1. पुरुषभ बहुप्रज्ञ।
