________________ 294 ] महोपाध्यायश्रीमन्मेघविजयविरचितम [ श्रीपार्श्व सप्तविंशतिधन्वोच्चश्वैत्यदुर्व्यन्तरैः कृतः / सिंहासनं रत्नपीठं छत्रत्रितयमप्यथ // 371 // तैरेव विहितं सर्व यक्षौ चामरधारकौ / स्वर्णाम्बुजे धर्मचक्रं निदधुर्व्यन्तरामराः // 372 // चैत्यद्रोः प्रभुरागत्य प्रादक्षिण्येन सोत्सवम् / तीर्थ नत्वा पूर्वमुखस्तस्थौ सिंहासनोपरि // 373 // दिक्षु बिम्बानि तिसृषु तादृशानि विचक्रिरे / व्यन्तरास्तेषु जिनवत् प्रभावोऽभूत् समीपतः // 374 // पश्चाद् भामण्डलं चाग्रे रेजे रत्नमयो ध्वजः / दुन्दुभिर्दिवि दध्वाना ध्वानमावेदयन् शिवे // 375 / / आग्नेय्यां साधवो देव्यः श्रमण्योऽप्यथ नैत्रते / .. भवनव्यन्तरज्योतिर्देव्यस्तिस्रः स्थितिं व्यधुः // 376 // तासामीशाश्च वायव्यां वैमानिकाः सुरा नराः / नार्यस्तिष्ठन्ति चैशान्यामिति द्वादश पर्षदाः // 377 // अन्तराले द्वितीयस्य वप्रस्य तिर्यगासनम् / वाहनानि तृतीयस्य स्युद्वितीयस्य चान्तरे // 378 / / श्रुत्वाऽश्वसेनभूपालो दत्त्वाऽस्मै पारितोषिकम् / प्रियास्नुषायुतस्तत्राययौ बहुमहामहैः // 379 // शुश्राव देशनां धा नवतत्त्वपुरस्सराम् / दानशीलतपोभावदृढोदाहरणान्विताम् // 380 // दाने दयान्तर्भावः स्यात् शीले ब्रह्मविधेस्तथा / महच्चाणुव्रतं सर्व प्रत्याख्यानं तपोऽन्तरे // 381 // भावनायां देवगुर्वोः भक्तिः शास्त्रश्रुतिस्तथा / साधर्मिकाणां वात्सल्यं सङ्घयात्रार्चनादिकम् // 382 // ज्ञाने विवेकः स व्याख्या पूर्वसिद्धागमश्रुतेः / दर्शने प्रतिमापूजा प्रतिष्ठादिमहोत्सवः // 383 // दीक्षा श्राद्धविधिः सर्वः प्रायश्चित्तैषणादिकम् / चरणं मोक्षमार्गोऽयं मोक्षो ज्ञानक्रियाश्रयात् // 384 // ज्ञानवान् ज्ञानदानेन नैर्मल्यं दर्शनात् दृशोः / चरणात् साध्यसंसिद्धिः ज्ञानं स्याद्धनमित्रवत् // 385 // // 281 //
