Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 319

चरितम् ] लघुत्रिषष्टिशलाकापुरुषचरितम् [ 293 जलेऽपतन्नसौ विद्याधरषिवचसाऽग्रहीत् / गृहिधर्म ययौ चैत्येऽन्यदा दृष्ट्वा मुनीनिह // 354 // दूरान्नमनतो लाभो मलरोगवतां नृणाम् / तान् समादिशतस्तं चाऽपृच्छत् कोऽपि जनस्तदा // 355 // क्वाऽयं गन्ता शातनादिति प्रश्ने मुनि गौ / ___ भावी राजपुरे तिर्यङ् कुक्कुटः सोऽशृणोददः // 356 // रुदन्नाश्वासितः खेदं मा मूढ कुरु साम्प्रतम् / __ मुनी दृष्टे कुक्कुटस्त्वं जातजातिस्मृतिः पुनः // 357 // अत्रैव भावी नृपतिः पार्थाद् बोधिमुपेष्यसि / __ इति साधुगिरा दत्तो मुमुदे कुष्टवानपि // 358 // कुक्कुटस्य भवं भुक्त्वा सोऽहमीश्वरभूपतिः / प्रभुदर्शनतः प्राप जातिस्मरणमप्यतः // 359 // चैत्यमुच्चस्तरं तत्र कारयित्वा महोत्सवात् / बिम्ब निवेशयामास तत्तीर्थ कुक्कुटेश्वरम् // 360 // स्थितः प्रतिमया स्वामी तापसाश्रमसन्निधौ / न्यग्रोधाधश्चोपकूपं मेघमाली तदा ययौ // 361 // व्याघ्रमातङ्गभल्लूकचित्रकोरगवृश्चिकैः / उपदुद्राव नाक्षुभ्यत् तथापि भुवनप्रभुः // 362 // मेघवृष्टिं तदा चक्रे यथा नासापदे जलम् / प्राप तावदिहाभ्यागात् देवीभिर्धरणोरगः // 363 // तर्जितस्तेन हस्तेन सदण्डेन सुराधमः / भगवच्चरणौ गृह्णन् रक्ष रक्ष जिनेश माम् // 364 // क्षमयित्वा वदन्नेवं स देवः स्थानमीयिवान् / कृतसङ्गीतकः स्तुत्वा नत्वाऽगाद्धरणोऽप्यतः // 365 // काशिं प्राप्तस्य धातक्यास्तलेऽष्टमतपोबले / पूर्वाह्ने केवलज्ञानं चतुर्थ्यामसिते मधौ // 366 // वायुदेवा भूमिमेकयोजनं समशोधयन् / मेघदेवा भुवं गन्धजलैरस्नपर्यंस्ततः // 367 // व्यन्तराः स्वर्णमणिभिर्वबन्धुः पीठमुन्नतम् / - अधोवृन्तानि पुष्पाणि ववृषुर्जानुमात्रतः // 368 // त्रीन् शालान् विदधुर्देवाः रत्नरूप्यनिर्मितान् / ___ वैमानिकज्योतिषिकभवनेशा अनुक्रमात् // 369 // ऐशान्यां तु द्वितीयस्य वप्रस्यान्तरमाश्रितम् / ' देवच्छन्दं विभोस्तत्र विश्रामार्थ व्यधुः सुराः // 370 //