________________ 270 ] महोपाध्यायश्रीमन्मेघविजयविरचितम् / [ श्रीपार्थ श्राद्धः स्मरनमस्कारं स्वः सौधर्ममवाप सः / अनुद्धराऽपि तपसा दुर्द्धरेण व्यपद्यत // 14 // परेतकार्य निर्माय विशोकौ भ्रातरौ क्रमात् / राजकार्योद्यते चाये परस्तस्याऽनुगोऽभवत् // 15 // अन्यदा तत्पुरेऽभ्यागाद् हरिश्चन्द्रमुनीश्वरः / भ्रातरौ तच्छ्रतेस्तुष्टौ सोत्साहं जग्मतुर्वने // 16 // तं नत्वा सदसा साकं यथास्थानं निविश्य तौ / शुश्रुवाते धर्मकथां तथ्यां पथ्यां च देहिनाम् // 17 // पापव्यापारमुत्सृज्य भव्याः सव्यासमार्हतः / धर्मो विधेयः श्रेयश्चेदिष्यते नित्यमात्मनि // 18 // रागत्यागी द्वेषवेषाद् दूरे शूरस्तपोबले / सर्वेषामभयं दाता देवस्त्राता भवार्णवात् // 19 // गुरुः सुरतरुः सेव्यो भव्यैर्मोक्षथियासुभिः / ___अर्हदाख्यातधर्मस्य विधेः ख्यातः प्रशान्तधीः // 20 // सिद्धान्तशास्त्रं श्रोतव्यमिति तत्त्वत्रयी स्मृता / देवशुद्धेनिलाभो गुरुशुद्धस्तु दर्शनम् // 21 // चारित्रं धर्मसंशुद्धेरिति रत्नत्रये सता / कार्यों यत्नः सम्प्रधार्य महोदयपुरायनम् // 22 // ज्ञानाद् धैर्य ततः स्थैर्य दर्शनादेव सेवनम् / / सम्यग्गुरोः पुरो मार्गलाभाच्चरणतः शिवम् // 23 // ऊर्ध्वाऽधोलोकयोरन्तर्मानुष्यस्थानमिष्यते / सिद्धस्थानप्रमाणं तन् नरान्नारायणः शिवः // 24 // यदुक्तं परमतेऽपिजीवः शिवः शिवो जीवो नान्तरं शिवजीवयोः / कर्मबद्धो भवेज्जीवः कर्ममुक्तो भवेच्छिवः // 25 // रागद्वेषविनिर्मुक्तः प्रमाणं न्यायनिर्णये / सत्या तदुक्तिस्तन्मुक्तो देवः सेव्यो मुमुक्षुभिः / 26 / यतःमुमुक्षवो घोररूपान् हित्वा भूतपतीनथ / नारायणकलां शान्तां भजन्ते ह्यनसूयवः // 27 // गुरुभिक्षुब्रह्मचारी शान्तो ज्ञानक्रियाश्रमः / श्रमणः क्रमणः पूर्वाचार्याचरितवर्त्मनि // 28 //
