________________ 268 ] महोपाध्यायश्रीमन्मेघविजयविरचितम् [ श्रीब्रह्मदत्त जहास वासवो भूमेरिति श्रुत्वा तयोगिरम् / गृहगोधोऽवदत् कान्ते जीवितेच्छाऽस्ति मेऽधुना // 175 // हासहेतुमपृच्छत् सा नाथ ! मे कथयाऽधुना / कथनाद् व्यथनं भावि प्रत्युक्ता चक्रिणाऽप्यसौ // 176 / / त्यक्ष्याम्यसूनकथने राश्येत्युक्तोऽवदन्नृपः / / ___ मरिष्यसि त्वं यद्वा नो मन्मृत्युस्तु विनिश्चितः // 177 // नाऽहं स्थास्ये प्रियमृतौ हास्ये हेतोन गोपनम् / इत्याग्रहान्नृपश्चित्यां श्मशानेऽकारयज्जनैः // 178 // यावद् याति चितापार्श्वे चक्री तावत् कुलामरी / छागस्य रूपं जर्षिण्या छाग्या च व्यकरोत् तदा // 179 // छागी गर्भवती छागं जगादानय साम्प्रतम् / यवपूलकमेतस्मात् पूरये दोहदं निजम् / 180 एते यवा गवाश्वेभपोषायैतान हरन्नहम् / मार्ये ते रक्षकैस्तेन स्तेनमौनं समाश्रय // 181 // . इत्युक्ता छागिका नाथं प्रत्यूचे पश्य चक्रिराट् / जहाति जीवितं भार्याछन्देन त्वं जिजीविषुः // 182 // छागोऽवङ् मूर्खमुख्योऽयं मुमूर्षुर्गहिनीगिरा। न तादृशोऽहमित्युक्तिः श्रुता चक्रभृता स्वयम् // 183 // प्रतिबुद्धश्छागवाण्या ययौ चक्री निजं पुरम् / एवं शशास भरतं चक्री विषयमूढधीः // 184 // षोडशोनां सप्तशती वर्षाणामत्यवाहयत् / एकदा वाडवः पूर्वसङ्गतो नृपमूचिवान् // 185 // यत् त्वया भुज्यते तन्मे देहि भोजनमुन्मनाः / निवारितोऽपि नो वेत्ति प्रपन्नं चक्रिणाऽपि तत् // 186 // तदाहारान्मदोन्मादाद् विप्रः स्वजननी सुताम् / जामि स्नुषामगणयन् रेमे ताभिः सुतैः समम् // 187 // स राज्ञा वैरमादधे गोपेन कृतसौहृदः ! राज्ञो दृशौ गोलिकया ततश्चापातयत् पथि / 188 / अजापालो भटैर्बद्धस्तं विप्रं सागसं जगौ / सकुटुम्बं जघानैतं ब्रह्महा ब्रह्मसूरभूत् // 189 // द्विजनेत्रैः स्थालमेकं सातिरेकक्रुधा ज्वलन् / पुरो निधाय पस्पर्श पाणिना मुदमुद्वहन् // 190 //
