________________ 246 ] महोपाध्यायश्रीमन्मेघविजयविरचितम [ श्रीनेमिनाथ- . शङ्खशार्ङ्गधनुर्वानस्त्रुटबलखलः क्षणात् / नंष्ट्वाऽग्रहीद् दुर्गवलं नरसिंहोऽभवद्धरिः / 386 / कपाटपाटवं भित्त्वा यान्तं विचार्य माधवम् / स्त्रीवेषा द्रौपदी दासीभूया, प्राणमद्रिपुः // 387 // द्रौपदी तत आदाय ववले बलबान्धवः / इतश्च तत्राऽर्हन्नास्ते मुनिसुव्रतसंज्ञया // 388 // कपिलो वासुदेवोऽर्हत्पुरस्थः पृष्टवान् प्रभुम् / उत्पातः पातकेनाऽयं केन भूकम्पनादिना // 389 // प्रभुणोक्ते यथाजाते कपिलस्तं सिसंजिषुः / प्राप्तोऽब्धेस्तटमस्या॰ कृष्णः शङ्खध्वनाऽध्वना // 390 // मिलितावेतदाश्चर्य विष्णुः पुरो ययौ / उत्तीर्णाः पाण्डवा नावा गङ्गां भावानुवर्तिनः / 391 / . स्थिता सुस्थितपृच्छायै छायैषा घुसदां सदा / नावोऽनागमने विष्णुरतरत् तां च मीनवत् // 392 // रथाः कथावशेषास्तद् विहिता विष्णुना क्रुधा / लोहदण्डेन नगरं तत्राऽभूद् रथमर्दनम् // 393 // पाण्डवा विहिता रोषात् ततो निर्विषयास्त्वया / क्व यान्तीति जगौ कुन्ती हरिः प्रत्याह तामिति // 394 // . तटे दक्षिणवार्द्धस्ते तिष्ठन्तु तव सूनवः / नगरी पाण्डुमधुरां संनिवेश्य नवामपि // 395 // परीक्षितं पार्थपौत्रमभिमन्युतनूद्भवम् / न्यवेशयद् हास्तिनाख्यपुरराज्ये जनार्दनः // 396 / / श्रीनेमिराययौ पुर्या भदिलायां षडप्यहो / बुद्धा अनीकसेनाद्या जगृहुव्रतमहंतः // 397 // द्वारिकायां गोचरे तान् देवकी प्रत्यलाभयत् / युगत्रयेण संप्राप्तान सिंहकेसरमोदकैः // 398 // प्रभुः पृष्टोऽनया नाथ किमेषां दर्शने स्तनौ / ___ प्रस्नुतौ मम दृष्टिर्न किश्चित् तृप्यति दृप्यति // 399 // जिनोऽप्याख्यत् सुता एते तवोपद्रवरक्षिताः / दैवेन पुण्यनैपुण्यात् प्राप्स्यन्त्येतद्भवे शिवम् // 400 // हृतानि प्राग्भवे रत्नान्यतिलोभात् त्वया पुनः / दत्तमेकं सपत्न्यै तद्रोदनेनार्द्रचेतसा // 401 //
