Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 270

244 / महोपाध्यायश्रीमन्मेघविजयविरचितम [ श्रीनेमिनाथ सम्बोध्य सर्वान् पित्रादीन् जिघृक्षुर्दीक्षितक्रियाम् / विलपन्तीं प्रियां मुक्त्वारेभे दानं सवार्षिकम् // 354 // वर्षत्रिंशत्यतिक्रान्तौ षष्ठयां नभसि चोज्ज्वले / पञ्चमुष्टिकलोचेन नेमिव्रतमुपाददे // 355 // देवदूष्यं प्रभोः स्कन्धे निधायादाय तत्कचान् / क्षीराम्बुधौ निचिक्षेप शक्रः कृतमहोत्सवः // 356 // साथै भूपसहस्रेण दीक्षायां विजहार सः / वरदत्तद्विजगृहे चकार षष्ठपारणाम् // 357 // बुभुजे परमान्नं च पश्च दिव्यानि जज्ञिरे / घातिकर्मक्षयायैव देवः सेवे व्रतक्रियाम् // 358 // श्रुत्वा विलापानहन्तमुद्दिश्याऽथ जिनाग्रजः / राजीमती रथनेमिरैच्छत् तुच्छमतिः छलात् // 359 // विज्ञायाऽऽशयमेतस्य विज्ञायाऽवचसोरसः / न्यवारयद् वान्तभुक्तिप्रायां मां त्वं किमीहसे // 360 // चतुःपञ्चाशताऽहोभिः क्षोभिताशेषमोहनुत् / ___ अमावस्यामाश्विनस्य प्रभुः केवलबोधवान् // 361 // देवाः सेवावसरतश्चतुःषष्टिसुराधिपः / चक्रुः समवसरणं करणं सर्वसम्पदाम् // 362 // विंशधन्वशतोत्तुङ्गश्चैत्यवृक्षो जगद्गुरोः / तदधः पर्षदां स्थाने पेशला देशनाऽभवत् // 363 // पूर्वस्यामास्थित विभुः प्रतिरूपत्रयी पुनः / रेजे दिशासु तिसृषु प्रातिहाविभूषिता // 364 // तद्वर्धापयितुं कृष्णः कोटयो द्वादश दत्तवान् / _ विष्णुर्जिष्णुं पुरस्कृत्य तस्थौ नत्वा जिनेश्वरम् // 365 // निषीदतुः स्तुतिं कृत्वा तत्रेन्द्रोपेन्द्रयोः पुरः / देशनाऽदेशि देवेन धर्ममाश्रयतोत्तमम् // 366 // वरदत्तनृपः श्रुत्वा विरक्तो व्रतमग्रहीत् / पृष्टः प्रभुर्माधवेन राजीमत्यनुरक्तताम् // 367 / / धनस्य धनवत्याश्च भवादारभ्य नेमिना / अष्टावतारसम्बन्धो जगदे निगदे पटुः / 368 / सहैव वरदत्तेन द्वे सहस्रे महीभुजाम् / प्रावजेतां धनदेवधनदत्तौ स्वबान्धवौ // 369 // मन्त्री विमलबोधोऽपि च्युत्वाऽपराजिता त्यः / भवेऽस्मिमपि भूपाला दीक्षिता नेमिनाऽर्हता // 370 //