________________ 214 ] महोपाध्यायश्रीमन्मेघविजयविरचितम् [ श्रीपञ सीतेन्द्रो द्वादशदिवः च्युत्वा चक्री भविष्यति / सर्वरत्नमतिर्नाम्ना तौ तदा चक्रिणः सुतौ // 1228 // इन्द्रायुधो मेघरथो वैजयन्ते स चक्रभृत् / इन्द्रायुधो रावणः प्राक् करिष्यति भवत्रयम् // 1229 // तीर्थकन्नाम निर्माय भावी श्रीभगवान् जिनः / वैजयन्ताच्च्युतश्चक्री सीताजीवो गणेश्वरः // 1230 // लक्ष्मणः प्राङ्मेघरथो भुक्त्वा शुभभवानपि / पुष्करे प्रागविदेहेषु रत्नपुर्या च चक्रभृत् // 1231 // भुक्त्वा चक्रिपदं दीक्षां गृहीत्वा तद्भवे जिनो। भविता सविता विश्वे शुश्रावेत्यच्युताधिपः // 1232 // श्रुत्वाऽस्ति लक्ष्मणो यत्र सीतेन्द्रः स्नेहतो ययौ / तान् निपीडयतः प्रोचे परमाधार्मिकानिति // 1233 // मा कार्युर्वेदनामेषु विकृतैश्चादिरूपकैः / लक्ष्मणेन समं रक्षःपतेयुद्धं न्यवारयत् // 1234 // . स्मारयित्वा पूर्वभवं रामाख्यातं निगद्य च / उद्दिधीपुरमूनिन्द्रः कणशः पततोऽभ्यधात् // 1235 // न शक्ताः कार्मणं दुःखं त्याजितुं वासवादयः / इत्युक्त्वा राममानम्य हरिनंदीश्वरेऽगमत् // 1236 // शाश्वतार्हद्बिम्बपूजां कृत्वा स्तुत्वा दिवं व्रजन् / भामण्डलं देवकुरुष्वागत्य प्रत्यबोधयत् // 1237 // पञ्चविंशतिमब्दानां रामर्षिः केवलागमात् / सहस्राः पञ्चदश च सर्वायुः पर्यपूरयत् / 1238 / शैलेशी स्थितिमास्थाय योगी योगीश्वरैः समम् / शिवं जगाम श्रीरामः स्मरामस्तं मुहुर्मुहुः // 1239 // इति श्रीलघुत्रिषष्टीयचरिते रामवंशवर्णनं सम्पूर्णम् // ग्रं. 1239 श्लोकाः
