________________ 110 ] महोपाध्यायश्रीमन्मेघविजयविरचितम [ श्रीअरनाथ सम्मेताद्रिमुपेत्यायं शिश्रियेऽनशनक्रियाम् / ___ मासान्ते राधकृष्णादितिथौ शिवपदातिथिः // 32 // कौमारराज्यचक्रित्वव्रतेषु समभागकम् / आयुः पञ्चनवत्यब्दसहस्राण्यभवत् प्रभोः // 33 // श्रीशान्तिनाथनिर्वाणादर्द्धपल्योपमे गते / निर्वाणमभवत् कुन्थुनाथदेवस्य निश्चितम् // 34 // इति श्रीलघुत्रिषष्टीये चरिते श्रीकुन्थुनाथचरितं सम्पूर्णम् // श्रीः ग्रं. 34 श्लोकाः श्रीअरनाथचरितम् / अरोऽर्हन शिवारोहाक्रियारत्नौधरोहणः / तस्य प्रशस्यचरितात् स्वां पुनाम्यधुना गिरम् // 1 // द्वीपे जम्बूनामतरोः प्रसिद्धयाश्रयतः स्थितिम् / प्राविदेहेषु सीताया नद्या उत्तरदिक्तटे // 2 // विजयो वत्सनामाऽस्ति सुसीमाऽस्मिन् महापुरी / नृपो धनपतिस्तस्यावश्यास्तस्याऽखिला श्रियः // 3 // द्विषतां बाधनैः सर्वैः गजाऽश्वरथसाधनैः / पूर्णस्तूर्णमव्ययस्य साधनं व्रतमाददे // 4 // संवरं संवराख्यानसूरेविज्ञाय तत्त्वतः / साधयन् जिनदासेन रसेन प्रतिलाभितः // 5 // विंशतिस्थानतपसा जपसाहाय्यतः सुधीः / अर्हन्नामाऽर्जयत् कर्ममार्जयन् मोहकर्दमम् // 6 // विपद्य काले नवमवेयके सुरः स्फुरन् / सुखान्यनुवभूवेऽसौ सर्वावयवसुन्दरः // 7 // जम्बूद्वीपभुवि क्षेत्रे भरते न रतेंऽहसि / इहास्ति हास्तिनपुरं चतुरं चतुरङ्गकैः // 8 // सुदर्शनस्तत्र नृपस्तन्वा धन्वादिकौशलात् / सुदर्शनधरः साक्षादवतीर्णः क्षिताविव // 9 // देवीव रूपभाक् देवी महिषी तस्य वल्लभा / अलञ्चक्रे गर्भभुवं जीवो धनपतेरपि // 10 // तया देव्या दिव्यगजप्रमुखः सुखदायकः / चतुर्दशस्वप्नगणः सुप्तया ददृशेऽन्यदा // 11 // द्वितीयस्यां फाल्गुने स शुक्लपक्षेऽवतारकृत् / रेवत्यां तत्प्रभावेन देवी देव्यो निषेविरे // 12 // दशम्यां शुद्धमार्गेऽर्हज्जन्मना दिक्कुमारिकाः / सूतिक्रियाः प्रियाश्चक्रुरिन्द्राः शैलेऽभिषेचनम् // 13 //
