________________ 78 ] महोपाध्यायश्रीमन्मेघविजयविरचितम [ श्रीअनन्तनाथ कैटभः कोटिजेताऽपि तापिच्छवदनः शुचा / निहतो विष्णुसेनान्या श्रीपतिः शिश्रियेऽपरैः // 46 // शिलां कोटिनरोत्पाटयां मगधेष्वथ माधवः / उद्धृत्य भारती भूमि त्रिखण्डां वशमानयत् // 47 // कृतदिग्विजयो विष्णुारिकायां समाययौ / अर्हननन्तजित् वर्षत्रयं छमस्थतामधात् // 48 // सहस्राम्रवणेऽशोकतरोरधोंऽहसां क्षये / चतुर्दश्यां राधकृष्णे रेवत्यां षष्ठनिष्ठधीः // 49 // केवलज्ञानमापन्नो देशनामादिदेश सः / पञ्चाशदेव गणिनो न्यास्थत् प्रभृतिकानपि // 50 // पातालस्त्रिमुखो यक्षस्तीर्थे मकरवाहनः / रक्तो दोभिः षड्गपद्मपाशिभिर्दक्षिणैस्त्रिभिः // 51 // नकुलं फलकं चाक्षसूत्रं वामत्रये दधत् / देव्यङ्कुशा खड्गपाशौ दक्षिणौ दधती द्वये // 52 // वामेऽङ्कुशं च फलकं बिभ्राणा त्राणकन्नृणाम् / द्वारवत्यां च समवसृते नाथे जना जगुः // 53 // स्वामिन् ! कामितदाताहन्नाययौ भवतां पुरे। इति वर्धा पितस्तेभ्यो ददौ दानं हरिर्मुदा // 54 // सार्द्धद्वादशरूप्यस्य कोटिकोटीररान्नृपः / नत्वा तात्त्विकनेतारं विष्णुः सदसि तस्थिवान् // 55 // प्रभोः प्रथमपौरुष्यां देशनाविरतौ गणी / तस्या अनूक्तिमेवाख्यद् द्वितीयपौरुषीस्थितौ // 56 // सार्द्धसप्तवर्षलक्षी त्रिवर्षांनाऽजनिष्ट सा / आकेवलात् सदासननिर्वृतिभगवानं ययौ // 57 / / सम्मेतादि प्रतिपद्याऽनशनं साधुभिः समम् / सहस्रैः सप्तभिर्मासं प्रत्याचख्यौ च योगभृत् // 58 // मधावुज्जलपञ्चम्यां सिद्धिमासेदिवान् दिवा / विमलस्य शिवादस्य शिवं नवाब्धिनिर्गमे // 59 // आयुस्त्रिंशद्वर्षलक्षी प्रपूर्य पुरुषोत्तमः / बभूव तारकः षष्ठयां धरायामुधुरांहसा // 60 // कौमारेऽब्दसप्तशती त्रयोदशशती पुनः / वर्षाणां मण्डलिकत्वेऽष्टाशीतिदिशां जये // 61 // सुप्रभः पञ्चपञ्चाशल्लक्षाण्यस्थान् मृगाङ्कुशाद् / गुरोर्वती शिवं लेभे सिद्धानन्तचतुष्टयः // 62 //
