________________ T238 विमलप्रभा [श्रीलघुकालचक्रतन्त्रराजटीका 1. लोकधातुनाम प्रथमपटलः __(1) सन्मार्गनियमोद्देशः - [la] ओं' नमो मञ्जुनाथाय / श्रीकालचक्राय शून्यताकरुणात्मने / त्रिभवोत्पत्तिक्षयाभावज्ञानज्ञेयैकमूर्तये // साकारा च (पि) निराकृतिर्भगवती प्रज्ञा तयालिङ्गित उत्पादव्ययजितोऽक्षरसुखो हास्यादिसौख्योज्झितः / बुद्धानां जनकस्त्रिकायसहितस्त्रकाल्यसंवेदकः सर्वज्ञः परमादिबुद्धभगवान् वन्दे तमेवाद्वयम् / / बुद्ध सिंहासनस्थं त्रिभुवनमहितं वज्रयोगं विशुद्धम् तत्त्वं कायप्रभेदैरभवभवगतं षोडशाकारमेकम् / ज्ञानज्ञेयकभूतं जिनवरसमयं द्वादशाकारमङ्गैः सत्त्वार्थ बोधिचित्तं जिनकुलिशपदं कालचक्रं प्रणम्य // सर्वज्ञो ज्ञानकायो जिनपतिसहजो धर्मकायस्तथा सम्भोगो निर्माणकायोऽपि दिनकरवपुः पद्मपत्रायताक्षः / योगः शुद्धो' विमोक्षर्गतभवविभवैः कायवाञ्चित्तरागैः प्रज्ञोपायाद्वयो यो नृसुरदनुनुतस्तं प्रणम्यादिबुद्धम् // शून्यताज्ञानसंशुद्धं विशुद्धज्ञानमक्षरम् / अनिमित्तज्ञानसंशुद्धं धर्मात्मा(त्म)चित्तमद्वयम् // वागप्रणिहितज्ञानशुद्धो मन्त्रोऽक्षयो ध्वनिः। एवमनभिसंस्कारज्ञानशुद्धो ह्यनाविलः // 1-2. घ. ॐ मञ्जनाथाय नमः / 3. भो. Kyan (अपि)। 4. ख. ०सहितं; भो. mChod (महितं); घ. महितं / 5. ख. भगवतं; ङ. भगवन् / 6. ख. ध. सत्यार्थ; भो. bDen Don (सत्यार्थ)। 7-8. क. योगशुद्धो।
