________________ चडसरणपइन्नयं (अत्याहिगारा) चउसरणगमण 1 दुक्कडगरिहा 2 सुकडाणुमोयणा 3 चेव / एस गणो अणवरयं कायवो कुसलहेउ त्ति / / 1 / / (चउसरणगमणं) परिहीण राग-दोसा सव्वण्णू तियसनाहकयपूया / तिहुयणमंगलनिलया अरहंता मज्झ ते सरणं / / 2 / / / निवियअट्टकम्मा कयकिच्चा सासयं सुहं पत्ता / तियलोयमत्थयत्था सिद्धा सरणं महं इण्हिं / / 3 / / पंचमहव्वयजुत्ता समतिण-मणि-लिट्ठ-कंचणा विरया / सुग्गिहियनामधेया साहू सरणं महं निच्वं / / 4 / / कम्मविसपरममंतो, निलओ कल्लाण-अइसयाईणं / संसारजलहिपोओ सरणं मे होउ जिणधम्मो / / 5 / /
