________________ 186 जीतकल्प सभाष्य 1792. दुविधो य गव्वितो खलु, चिरपरियाओ तहेव तवबलिओ। छेदम्मि दिज्जमाणे, परियादी गव्वितो होति // 1793. केत्तियमेतं छिंदह?, तह वि य हं तुब्भ होमि राइणिओ। एसो तु गवितो खलु, चिरपरियादी मुणेतव्वो॥ 1794. तवबलिओ देह तवं, अहं समत्थो त्ति गव्वितो होति। तम्हा तद्दोसहरं, विवरीतं तेसि दातव्वं // 1795. गणअहिवति आयरियो, तस्स वि छेदादि होति पत्तस्स। अप्परिणतसेहादिसु, मा होज्जा हीलणिज्जो त्ति // 1796. धीबलसंघयणं वा, णातुं कालं च तिविध गिम्हादी। तम्हा तद्दोसहरं, तवारिहं दिज्जते तस्स // जं जंण भणितमिहइं, तस्सावत्तीय दाणसंखेवं। भिण्णादिया य वोच्छं, छम्मासंता य जीतेणं॥६०॥ 1797. जं जं ति हति मिच्छ, प वि भणितमिहं ति जीतववहारे। पच्छित्तविसोधी तू, तस्सावत्ती पणगमादी॥ 1798. दाणं णिव्वितिगादी, से य विसेसेणमेत्थ भणिहामि। संखेवो तु समासो, किह ण वि जीतेण भणितमिहं? / / 1799. कम्ही वा भणितं? ती, गुरुराह णिसीह-कप्प-ववहारे। सुत्तत्थओ य भणितं, आणादि सवित्थरेणं तू॥ 1800. पणगादी छम्मासावसाण आवत्तिविरयणाओ य। णेगविहा भणिताओ, णिसिहादिसु वित्थरेणं तु॥ 1801. इह पुण' जीतेणं तू, णिवणावत्तिदाणसंखेवं / भिण्णादी छम्मासा, णेदाणजिएणिमं वोच्छं / भिण्णो अविसिट्टो च्चिय', मासो चउरो य छच्च लहुगुरुगा। णिव्वितियादी अट्ठमभत्तंतं दाणमेतेसिं॥६१॥ १.छिंदिह (पा)। 2. जे (पा, ला)। 3. यमिहियं (ला)। 4. आवत्ती पायच्छित्तट्ठाणसंपत्ती (चू)। 5.4 (ता, ला)। ६.चिय (ला)। ७.णिव्वीयगादि (ला)।
