Page Text
________________ 78) प्राकृत पाठ-चयनिका पुरिसाणत्थेणं ति। धम्मो उण तुलिय-धणवइ-धण-सार-धण-फलो। तहा णरिंद-सुरसुंदरी-णियंब-बिंबुत्तुंग-पओहर-भर-समालिंगण- सुहेल्लि-णिब्भरस्स कामो वि धम्माणुबंधी य। अत्थो धम्माओ चेव, मोक्खो वि। जेण भणियं। लहइ सुकुलम्मि जम्मं जिणधम्मं सव्व-कम्म-णिज्जरणं। सासय-सिव-सुह-सोक्खं मोक्खं पि हु धम्म-लाभेण।। तेण धम्मो चेव एत्थ पुरिसत्थो पवरो, तहिं चेव जुज्जइ आयरो धीर-पुरिसेण काउं जे। अवि य। अत्थउ होइ अणत्थउ कामो वि गलंत-पेम्म-विरसओं य। सव्वत्थ-दिण्ण-सोक्खउ धम्मो उण कुणह तं पयत्तेण॥ 5. सो उण गोविंद-खंद-रुंदारविंदणाह-गइंद-णाइंद-चंद-कविल कणाद-वयण विसेस-वित्थर-विरयणो बहुविहो लोय-पसिद्धो। ताणं च मज्झे मणीण व कोत्थुहो, गयाण व सुर-गओ, समुद्दाण व खीरोवही, पुरिसाण व चक्कहरो, दुमाण व कप्पपायवो, गिरीण व सुरगिरी, सुराण व पुरंदरो, तहा सव्व-धम्माणं उवरिं रेहइ जिणयंदभासिओ धम्मो त्ति। सो उण चउव्विहो। तं जहा। दाणमइओ, सीलमइओ, तवोमइओ, भावणामइओ त्ति। तत्थ पढमं चिय पढम तित्थयर-गुरुणा इमिणा चेव चउव्विह-धम्म-कमेण सयल-विमल-केवलं . वर-णाणं पि पावियं। जेण अविभाविय-णिण्णुण्णय-जल-थल-विवराइ-भरिय-भुवणेणायालकाल-जलहरेण विय वरिसमाणेण णीसेस-पणइयण-मणोरहब्भहिय-दिण्ण-विहव-सारेण पवत्तिओ पढमं तेलोक्कबंधुणा 'भो भो पुरिसा दाणमइओ धम्मो' त्ति। पुणो ‘सुर-सिद्धगंधव्व-किण्णरोग्य-णर-दइच्च-पच्चक्खं सव्वं मे पावं अकरणिज्जं' ति पइण्णा-मंदरमारुहंतेण पयासिओ तेलोक्क-गुरुणा सीलमइओ धम्मो त्ति। पुणो छट्ठट्ठम-दसम-दुवालस-मासद्ध-माससंवच्छरोववास-परिसंठिएण पयसिओ लोए 'तवोमइओ धम्मो' त्ति। तहिं चिय एगत्तासरणत्त-संसार-भाव-कम्म-वग्गणायाण-बंध-मोक्ख-सुह-दुक्ख-णारय-णरामर-तिरिय-गइ -गमणागमण-धम्म-सुक्क-ज्झाणाइ-भावणाओ भावयंतेण भासिओ भगवया 'भावणामइओ धम्मो' त्ति। तओ ताव अम्हारिसा तारिसेहिं दाण-सील-तवेहिं दूरओ चेव परिहरिया, जेण धण-सत्त-संघयण-वज्जिया संपयं। एसो पुण जिणवर-वयणावबोहओ जाय-संवेगकारणो भावणामइओ सुह-करणिज्जो धम्मो त्ति। कहं। जाव महा-पुरिसालिय-दोस-सय-वयण-वित्थराबद्ध-हलबोल-वड्डिय-पहरिसस्स दुज्जण-सत्थस्स मज्झ-गया पर-मम्म-मग्गण-मणा चिट्ठम्ह, ताव वरं जिणयंद-समण
| SR No. | 004280 |
| Book Title | Prakrit Path Chayanika Ucchatar Pathyakram |
| Original Sutra Author | N/A |
| Author | B L Institute of Indology |
| Publisher | B L Institute of Indology |
| Publication Year | 2012 |
| Total Pages | 124 |
| Language | Hindi, Prakrit |
| Classification | Book_Devnagari |
| File Size | 14 MB |