________________ गाथासप्तशती गाथा चयनिका 1. पसुवइणो रोसारुणपडिमासंकन्तगोरिमुहअन्दम् / गहिअग्घपङ्कअं विअ संझासलिलञ्जलिं णमह // 1 // 2. अमिअं पाउअकव्वं पढिउं सोउं अ जे ण आणन्ति / कामस्स तत्ततन्तिं कुणन्ति ते कहँ ण लज्जन्ति // 2 // 3: सत्त सताई कइवच्छलेण कोडीअ मज्झआरम्मि / ___ हालेण विरइआई सालङ्काराणं गाहाणम् // 3 // 4. उअ णिच्चलणिप्पन्दा भिसिणीपत्तम्मि रेहइ बलाआ / णिम्मलमरगअभाअणपरिट्टिआ संखसुत्ति व्व॥ // 4 // 5. तावच्चिअ रइसमए महिलाणं बिव्भमा विराअन्ति / जाव ण कुवलअदलसेछ आइँ मउलेन्ति णअणाई॥५॥ 6. णोहलिअमप्पणो किं ण मग्गसे मग्गसे कुरवअस्स / एअं तुह सुहग हसइ वलिआणणपङ्कअं जाआ // 6 // 7. ताविज्जन्ति असोएहिँ लडहवणिआओं दइअविरहम्मि / किं सहइ कोवि कस्स वि पाअपहारं पहुप्पन्तो // 7 //
