Page Text
________________ सत्तहत्तरियमी 'दइव्वम्मि पडिकूलम्मि दुक्खपरंपरा हवइ' इह पुप्फवईए कहा 77 - - दइव्वे पडिकूलम्मि, होइ दुक्खपरंपरा / इह पुप्फवईनायं, भववेरग्गकारणं / / 1 / / वाराणसीए नयरीए धणदत्तस्स सेट्ठिणो पुष्फवई नाम भज्जा आसी / तीए य कुबेरसेणो पुत्तो होत्था / एगया तत्थ नयरम्मि सिंहसूरस्स पल्लीवइस्स धाडी पडिया / तइया सा पुष्फवई पल्लीवइणा गहीया भज्जाभावेण य रक्खिया / अह धणदत्तो तीए सुद्धिं कुणंतो पल्लीमज्झे आगंतूणं ण्हाविअस्स घरम्मि ठाइत्ता सपियं च तत्थ नच्चा हावियभज्जं तीए समीवम्मि पेसित्था / सा वि नियप्पियं आगयं वियाणित्ता कालिगादेवीमंदिरम्मि चउद्दसीए राईए अहं आगच्छिस्सं त्ति संकेयं ण्हावियभज्जादुवारेण नियप्पियं जाणवेसी / _ 'महई मह पीला नियट्टिया अत्थि' त्ति कालिगाए पूअं चउद्दसीरयणीए करिस्सं ति दंभेण पल्लीवइजुत्ता सा तहिं आगया पल्लीवई असिणा निहणित्ता देवकुलम्मि पविट्ठा / तहिं सपई दइव्वदोसेण सप्पदटुं पासित्ता तस्स तुरंगमं आरोहिऊण राईए च्चिय तओ निग्गया / पहायम्मि य पहम्मि चोरेहिं सव्वं घेत्तूणं खंडायणनयरम्मि सा कामरूवाए वेसाए विक्किणिआ / एगया रूवजोव्वणवई सा वेसाकम्मं कुणंती तत्थ आगएण कुबेरसेणेण नियपुत्तेण सह संभोगं विहेसी / रहंसि तीए पुढेण तेण मायरपियरनामाइनियवुत्तंते कहिए हा ! पावाए मए सुयसंगो विहिओ त्ति विसायं आवण्णा सा वेसावुदेण वारिज्जमाणा जीवंती चेव चियाए पविट्ठा / तइया य दइव्ववसाओ समागएण उवरियणेण नईपूरेण सा चिया वाहिया / अह महंतम्मि कट्ठम्मि ठिआ तरंती जंती सा सारणनामेणं आहीरेण निक्कासित्ता भारियत्तणेण रक्खिया / .. एगया गोवकुलसमुइयकंबलपमुहवेसवंती सा तक्कं विक्केउं महुराए नयरीए गया / तहिं विवणिमज्झम्मि रायपुत्ततुरंगमेण हया सा भूमीए पडिया / अह उट्ठीया सा भग्गभायणा पडिए वि तक्के विसेसओ विम्हियमुहा तयणुवलक्खणपरेण एगेण पुरिसेण 'हे सुंदरि ! पडियं पि तक्कं न सोएसि तं किं ति ? पुट्ठा / तं अणुवलक्खमाणी सा नियं सरूवं कहित्था / जं नरिंदं हंतूणं, सप्पदटुं पई पेक्खिऊण देसंतरम्मि विहिवसाओ गणिगा हं जाया / तओ पुत्तेण सद्धिं संगम विहेऊण चियाए पविट्ठा, अहुणा गोवरोहिणी जाया, अहं कहं अज्ज तक्कं सोएमि / वुत्तं च हया निवं पइमवेक्ख भुयंगदटुं, देसंतरे विहिवसा गणिग म्हि जाया / पुत्तस्स संगमहिगम्म चियं पविट्ठा, सोएमि गोवगिहिणी कहमज तक्कं / / 2 / / 1. तदनुपलक्षणपरेण / / 2. 'भक्तामर' इति पद्यानुसारेण गीयते / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |