Page Text
________________ ..ईपरमविऊहिं सम्माणीया / वि. सं. 2029 वरिसे ताए बीईयावित्ती वि पयासिया / वि.सं. 2014 वरिसे रायनगर-अहमदावादमझे 'पाइयविन्नाणकहा, भा-१' पंचावण्ण(१-५५)कहाणं संग्गहरूवा विरइया / वि. सं. 2016 वरिसे मुंबापुरीसिरिगोडीजीउवास्सयम्मि पाइयतिसट्ठिसलागापुरिसचरियनिम्माणस्स ___ अंतरभावणाए 'सिरिउसहणाहचरियं' विरइयं / वि. सं. 2022 वरिसे सिरिथंभणपुरम्मि केवलं सिलोगजुगलं आलंबिऊणं सिरिमोहणविजयविरइयसिरिचंद रायस्स गुज्जररासाणुसारं 'सिरिचंदरायचरियं' रइऊण पाइयसाहिच्चम्मि सुवण्णक्खरेहिं नियणामं ठाविअं। नमुक्कारमहामंतसमाराधगेहिं पूज्जपन्नाससिरिअभयसागरगणिवरेहि सिरिचंदरायचरियविसयम्मि लिहियं"आगोवंगणविबहजणविस्सयस्स सगहियणामधेयस्स सिरिचंदरायस्स महारिसिणो गेयकव्वस्स समुवलभे वि पाइयभासानिबद्धकव्वस्स खंडियप्पायस्स समुद्धारो सक्कयपाययभासाविसिट्ठविबुहसेहरेहिं पच्चूससमरणिज्जेहिं सिरिविजयकत्थूसूरिवरेहिं कओ" त्ति। तँह आयरियसिरिनेमि-अमय-देवसूरिवरसीसरयणेहिं पन्नास(अहुणा आयरिय)सिरिहेमचंदविजयगणिवरेहिं सच्चमेव लिहियं "सिरिचंदरायचरियं पाइयपाइयभासामयं कयं जेण। रम्मं सकण्णसुहयं पाइयभासादुवारं च / / 1 / / सो कत्थूरायरियो अणवरयं सत्थचिंतणानिरयो। अज्झावणम्मि रसियो, लोए न पसंसणिज्जो किं ? / / 2 / / वि. सं. 2026 वरिसे अहमदावाद-साबरमईपुरम्मि पाइयविनाणकहा-२' छप्पणाओ अठ्ठत्तरसयपज्जंत (५६-१०८)कहाणं संग्गहरूवा रइया। आगमाईणं सज्झायं कुणंतेहिं पुज्जेहिं पाइयगाहाणं विसयबद्धो जो संग्गहो कओ, सो सक्कयगुज्जराणुवायसहियो ‘पाईविनणगाहा'रूवेण पच्छा पयासियो। गाहाए पत्थावणाए आवरियसिरिकत्थूर जसोभद्द-सुहंकर-सूरोदयसूरिवरसीसरयणेहिं पन्नास(अज्ज आयरिय)सिरिसीलचंदविजयगणिहिं लिहियं "आयरियसिरिविजयकत्थूरसूरिणो न केवलं अम्हाणं गुरुवरा, किंतु अज्झणज्झावणनिरयया सच्चत्थम्मि 'गुरुजी' त्ति जयम्मि विस्सुया।" पाइयविन्नाणकहाए कहासेली : पत्थुयगंथो ‘पाइयविन्नाणकहा'क्खो पाचीण्ण-अव्वाचीण्णकहाणं संग्गहरूवेणं वट्टइ। अप्पणो
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |