Page Text
________________ महापुरिसविसयाईवणेहो भवतारगो होइ इह देवाणंदामाहणीए कहा-६६ 35 सव्वालंकारभूसियसरीरा साणंदा गच्छइ / समवसरणं दळूणं ते दोवि रहवराओ ओयरिय तत्थ पंचविहाभिगमेणं पविसिऊणं जिणनाहं वंदित्ता, दोवि अणिमिसच्छाई निसन्नाइं / सदेवमणुयासुररायपरिसाए देवाणंदा अइसिणेहा वीरजिणं पिच्छंती आगयपन्हा' जाया / तत्तो गोयमसामी वीरजिणं नमिऊणं पुच्छए-भयवं ! तुम्हाणमुवरिं समत्थभव्वाणं सिणेहो होइ, पुणो देवाणंदाए केण निमित्तेण अइनेहो दीसए / तो जिणो कहेइ-गोयम ! अहं पुष्फोत्तरविमाणाओ चविऊण एयाए कुच्छीए बासीइं दिवसाई वसिओ, तेण देवाणंदा ममोवरिं गुरुसिणेहपडिबद्धा आगयपन्हा जाया, गोयम ! मम जणणि त्ति जाणाहि / एवं सिरिवीरजिणंदेण कहियं अंतरंगपडिबंधकारणं सोच्चा देवाणंदा महाणंदा भवभमणुविग्गा संविग्गा विणयपणयंगी एवं विनवेइ- -देवाहिदेव ! मज्झ सिद्धिसही पव्वज्जा दिज्जउ / तओ भयवया संसारतावहरणे दक्खा परिपक्करसदक्खा' समत्थजीवरक्खा दिक्खा तीए विइन्ना / तो सिक्खं दाऊणं अज्जाए चंदणाए समप्पिआ, सा देवाणंदा निरइयारा संजमभारं पालेइ, पंचसमिया तिगुत्ता पंचिंदियनिग्गहम्मि आसत्ता अइदुक्करं बज्झब्जिंतरतवञ्चरणं कुणंती तवचरणकरणजोगेण देवाण वि आणंदं दिती पयडियजहत्थनामा देवाणंदा समणी हवइ / कमेण सा परिवड्डमाणसुक्कज्झाणानलदड्ढकम्मवणगहणा उप्पन्नविमलकेवलनाणा सुहसमिद्धा सिद्धा / एवं सिरिवीरजिणिंदमुहाओ सुणिऊण जिणग्गहियदिक्खा जयंती साहूणी धम्मज्झाणिक्करया महासई निस्सेसकम्महरणं तवञ्चरणं देवाणंदा जहा अकरिंसु, तहा पइदियहं कुणइ / सा वि जयंती विसुद्धपरिणामा पयडियजीवाणुकंपा सुरगिरिचूलव्व निक्कंपा पसरंतघोरतवसत्ती ज्ञाणज्झयणपसत्ता अपमत्ता गीयत्था संविग्गा गुरुकुलवासेसु अणुव्विग्गा आरुहियखवगसेणी उप्पण्णविमलनाणा सिद्धा / उवएसो देवाणंदाइ वुड्डत्ते, सञ्चरियस्स संपयं / सोचा तहेव तुम्हे वि, भवेइ मोक्खसाहगा / / 2 / / महापुरिसविसयाईवसिणेहम्मि देवाणंदामाहणीए छासटिइमी कहा समत्ता / / 66 / / -जयंतीचरियाओ 1. आगतप्रस्ना निर्गतस्तनधारा / / 2. परिपक्वरसद्राक्षा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |