Page Text
________________ परवंचणम्मि वणियस्स कहा-६५ विसज्जियं / भज्जा संलत्ता घयपुग्ने करेज्जासि त्ति / ताए कया घयपुण्णा / एत्यंतरे ऊसुगो जामाउगो सा सवयंसगो गेहे आगओ / सो ते य घयपूरे भुंजिउणं गया / वाणियगो ण्हाओ भोयणत्थमुवगओ / ताए साभावियं भत्तं परिवेसियं तेण भन्नइ-किं न कया घयपूरया ?, ताए भणियंकया, परं जामाउगेण सवयंसेण खइया / सो चिंतेइ-'पेच्छ, जारिसं कयं मया' सा वराई आभीरी मए परनिमित्तं वंचिआ, तह य अप्पा अपुन्नेण संजोइओ / सो य सचिंतो सरीरचिंताए निग्गओ / गिम्हो य तया वट्टइ / सो य मज्झण्हवेलाए कयसरीरचिंतो एगस्स रुक्खस्स हेट्ठा वीसमइ, साहू य तेणोगासेण भिक्खानिमित्तं जाइ, तेण सो भन्नइ-भयवं ! एत्थ रुक्खच्छायाए वीसमह मया समाणं ति / साहुणा भणियं तुरियं मए नियकज्जेणं गंतव्वं / वणिएण भणियं-किं भयवं ! को वि परकज्जेणा वि गच्छइ ?, साहुणा भणियं-जहा तुमं चिय भज्जाइनिमित्तं किलिस्ससि / 'स मर्मणीव स्पृष्टः' तेणेव एक्कवयणेण संबुद्धो भणइ-भयवं ! तुब्भे कत्थ अच्छइ ?, तेण भन्नइ-उज्जाणे / तओ तं साहुं कयपज्जत्तियं नाऊण तस्स सगासं गओ / धम्मं सोउं भणइ-पव्वयामि जाव सयणं आपुच्छामि / गओ निययं घरं / बंधवे भज्जं च भणइ-जहा आवणे ववहरंतस्स तुच्छो लाभगो, ता दिसावाणिज्जं करेमि, दो य सत्थवाहा, तत्थेगो मुल्लभंडं दाऊण सुहेण इट्ठपुरं पावेइ, तत्थ य विढत्तं धणं न किंचि गिण्हइ / बीओ न किंचि भंडमुल्लं देइ, पुव्वविढत्तं च लुंपेइ, तओ कहेह कयरेण सत्थेण सह वञ्चामि / सयणेण भणियं पढमेण सह वञ्चसु / तेहिं सो समणुन्नाओ बंधुसंगओ गओ उज्जाणं, तेहिं भन्नइ-कयरो सत्यवाहो ? / तेण भन्नइ'नणु परलोगसत्थवाहो एस साहू असोगच्छायाए उवविट्ठो, नियएणं भंडएण ववहरावेइ, एएण सह निव्वाणपट्टणं जामि त्ति एवं वोत्तूण सो पव्वइओ अप्पकल्लाणं च तेण साहियं / उवएसो आहीरीवंचगस्सेह, परलोगसुहावहं / नया नियंसणं तुम्हे, भवेह अप्पसाहगा / / 2 / / परवंचणम्मि वणिअस्स पणसटिइमी कहा समत्ता / / 65 / / -- उत्तरज्झयणसुत्ताओ 1. तेनावकाशने तेन मार्गेण / / 2. अर्जितम् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |