Page Text
________________ खणम्मि विओगो होइस्सइ, तओ य असाढाभूइस्स व्व कहं णाडगं वा कुणंता, पुहवीचंद-गुणसागरस्स व कहं सुणंता केवलणाणं वि लहिज्जइ। जइणपाइयकहासाहित्तं : पाइय-सक्कय-अद्धमागही-अपब्भंसाइपाईण-अव्वाईणविविहभासाहिं लिहियाणं सिलोगबद्धाणं गज्जबद्धाणं च जईणकहाणं महासायरो कहासाहित्तम्मि सवसिट्ठा वट्टई। तम्मिवि पाइयकहासाहित्तं तु विणा जइणदरिसणं अन्नत्थ कहिपि सक्कयनाडगेसु इत्थीपत्तं मुंचिउण न दिक्खिज्जइ, सुणिज्जइ वा। जइणायरियेहिं अरिहंतवयणेहिंतो निस्सरियं, गणहरेहिं सुत्तरूवेणं गुंफियं, निज्जुइ-चुण्णि-भासकारेहिं निगइयं पाइयं-अद्धमागहीं नियभासं माणिऊण विउलपाइयकहासाहिच्चं रइयं। सिरिविमलायरियरइयं पउमचरियं, वसुदेवहिंडिं, कहावलिं, चउप्पन्नमहापुरिसचरियं, तरंगवई, सिरिउत्तरज्झयणोवरि सिरिनेमिचंदसूरिरइया पाइयकहाओ, पाइयदुवासय-सिरिमहावीरचरिय-सिरिसिरिवालकहापभिइविविहचरियाई, पंचमी-एगादसीआइपव्वकहाओ अज्जवि विज्जंति। वीसमीसईए प्राइयसाहित्तकारा विजयकत्थूरसूरिणो : केसुच्चिं वरिसेसुं नवीणं पाइयकहासाहिच्चं पायसो न रइयं केहिंवि। तं च कज्जं वीसमीसइए समारद्धं तवाच्छाधिवइ-जइणायरियसिरिविजयनेमिसूरिवराणं पट्टधरसमयण्णुविजयविन्नाणसूरीणं पट्टधरसिद्धंतमहोदहिहिं पाइयभासाविउविसारयेहिं आयरिय-सिरिविजयकत्थूरसूरिहिं वट्टमाणसमयंसि पाइयभासाए अप्पपयारं दद्रूण पाइयभासं सजीवणं काउं नियजीवणं समप्पियं। सिरिविजयकत्थूरसूरीणं संखित्तओ जीवनं : - एत्थ जंबूद्दीवे भारहदेसे धम्मकम्मनिरये गुज्जररज्जे 'अहमदावाद' इइ अवराभिहणं 'रायनयरं' नाम गुज्जरपट्टनयरं वट्टइ। तत्थ माणेगचोगसमीवे खेत्तवालपोलक्खं पोलं सोहेइ। तत्थ च फत्तेचंद नानचंद कीनखाबवाला इइ विइये कुडुबम्मि अमीचंदभाई पिउणो चंपाबेन माऊए कुक्खीए वि. सं. 1957 मिये संवच्छरम्मि पोसमासे किण्हपक्खे पइवइ सुपुत्तो जणिओ। तस्स 'कांतिलाल' ___इइ अभिहाणं कयं। ‘रतिभाई', 'हिंमतभाई' इइ तस्स बंधुणो / आयरियसिरिविजयसिद्धिसूरीसरा तस्स पिउव्वा, साहुणीसंतिसिरी य पिउच्छी / पुव्वपुण्णोदएणंआयरियसिरिविजयनेमि सूरिवरसीसपन्नाससिरिविन्नाणविजयसमागमओ वि. सं. 1976 मिये संवच्छरे फग्गुणमासे वइ तइआए तिहौ मरुभूमिम्मि मेवाडंसि नावलीगाम(स्टेशन) समीवे गोहूमखित्तम्मि दिक्खं गिण्हीअ 'मुणिसिरिकत्थूरविजयेण' विइओ। .. वि. सं. 1991 मिये विक्कमसंवच्छरे सिरिकदम्बगिरिम्मि फग्गुणम्मि किण्हम्मि बीइयाए पवत्तगपयं।
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |