Page Text
________________ 16 पाइअविन्नाणकहा-२ _एगया सो रयणचंदराओ सुवण्णथालगम्मि अईव साउअ सुहासरिसं भोयणं भुंजेइ, तया पवणपबलत्तणेण भोयणभायणे पडंतरयरक्खणटुं समीवट्ठिआ भाविणी वत्थंचलेण भायणं ढंकेइ, तं तारिसं कज्जवावडं पासिऊण सो रयणचंदनरिंदो चिंतिउं पउत्तो-अहो !! एगया एसा इत्थी मं सूलीए आरोवणटुं आदिसित्था, अज्ज एसा मं पाणप्पियं मण्णिऊण मज्झ सरीरम्मि भोयणे य पडंतिं धूलिं पि नेहाउरा निवारिउं इच्छेइ, अहो ! इमा केरिसिं अवत्थं पत्त त्ति विम्हएण तेण हसिअं / सा भाविणी विम्हियं हसिरं च पियं दळूणं वियारेइ-एयारिसं विम्हयहसणं मारिसीणं इत्थीणं सोहेइ, किंतु विणा कारणं हसणं पुरिसाणं न घडेइ, 'एत्थ किंचि हेउं सिया' इअ विआरिऊणं सनिब्बंघं नियपिययमं हसणकारणं पुच्छेसी / पियाए अञ्चंतदुरग्गहवसेण सो नरिंदो कहेइ-सुंदरंगि ! पिये ! तुं मं अहिजाणेसि / सा वएइ-मज्झा तुं पाणप्पिओ सि, अहं तुम्ह पाणप्पिआ अम्हि / राया कहेइ- मिगलोअणे! पिययमे ! तुमए जो संबंधो कहिओ, सो उ जयम्मि पसिद्धो च्चिय परंतु अम्हाणं अण्णो वि संबंधो अत्थि, जं च तुं न याणेसि, अहं तं साहेमि-हे हरिणनयणे ! सो अहं कम्मरेहो धणदत्तसेट्ठिणो पुत्तो अम्हि, तुं उवज्झायसमीवम्मि मए सद्धिं कलाओ अब्भसंती भाविणी रायकण्णा सि त्ति तेण पुव्वसव्वरहस्सं कहियं / / _तं च सोच्चा सा भाविणी अञ्चंतलज्जानमिराणणा संजाया / तीए लज्जावणयण निवो कहेइ हे पिए ! भाविभावे अण्णहा काउं कोवि न चएज्जा, पुव्वनिबद्धसुहासुहकम्मजणियसंजोगविओगा जीवाणं हुंति, को तं विवरीअं काउं पक्कलों ?, अलाहि सोगेणं लज्जाए वा / एवं पियवयणं सुणिऊण लज्जं चिच्चा नियपियुणो सव्वं समायारं जाणाविऊणं कम्मगइगहणचिंतणपरा सा नियप्पियभत्तितल्लिच्छा पिएण सद्धि माणुसभवोइअविसयसुहाई भुंजमाणा सुहेण कालं अइक्कमेइ / अण्णया कम्मरेहनरिंदो उज्जाणवालगमुहाओ गुरुसमागमणं नच्चा पभायकालम्मि निअभज्जापरिवारसहिओ सव्विड्डिए उज्जाणम्मि गंतूणं गुरुं वंदिऊण जत्थ य विसयविरागो, कसायचाओ गुणेसु अणुरागो / किरिआसु अप्पमाओ, सो धम्मो सिवसुहो लोए / / 2 / / इञ्चाइं गुरुवयणपंकयाओ निग्गयं देसणामयरसं सोच्चा संपत्तवेरग्गो चिंतेइ- इमम्मि भवम्मि कम्मस्स सुहासुहफलं पञ्चक्खं दिळं अणुभवियं च / तओ कम्मजयटुं उज्जमं कुणेमि त्ति चिंतिऊण पुत्तस्स रज्जं दाऊण गुरुपासम्मि भाविणीपमुहभज्जासहिओ संजमं गिण्हित्था / सो रायरिसी उग्गतवसा किलिट्ठकम्माइं खविऊण सग्गं गओ, कमेण य सो सिद्धिं पाविहिइ / उवएसो भाविणी-कम्मरेहाणं, कम्मफलपयंसिणिं / कहं सोया पयट्टेजा, जयाय कम्मणो सइ / / 3 / / कम्मपरिणामम्मि भाविणी-कम्मरेहाणं एगूणसट्ठिमी कहा समत्ता / / 59 / / -उवएसपासाआओ 1. समर्थः / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |