Page Text
________________ 10 पाइअविनाणकहा-२ अभक्खं, एत्थ पायच्छित्तं, एयं आलोएसु, वंदणं विणयं कुणसु पडिक्कमसु / ता सव्वहा एक्कंपि खणं नत्थि उसासो, तेण अम्हेहिंतो रण्णुंदुरा धण्णा इअ चिंतयंतो वसहिं उवगओ / तारिसं नियाणसल्लं तेण गुरूणं (पुरओ) न आलोइयं, न णिंदियं न पायच्छित्तं चिण्णं / दिवसेसु वञ्चंतेसु अकालमञ्चुणा मरिऊण णमोक्कारेण जोइसियाणं मज्झे किंचिऊणपलियाउओ देवत्ताए उव वण्णो / तत्थ वि भोगे भुंजिऊण चंपाए दाहिणदिसाए रण्णम्मि रण्णुंदुरसुंदरीए कुच्छिसि उंदुरत्तणेण उववण्णो, कमेण च जोव्वणं पत्तो समाणो अणेगरण्णुंदुरसुन्दरीए सह रममाणो अच्छिउं पवत्तो / एगया बाहिरं उवगयस्स तस्स समवसरणकुसुमवुढिगंधो आगओ, तेण अणुसारेण अणुसंरतो तहाविहकम्मचोइज्जमाणो एत्थ समवसरणे संपत्तो, मह वयणं च सोउं समाढत्तो / जीवाइपयत्थे सुणेतस्स साहुलोगं च पेच्छंतस्स, इहापोहं कुणंतस्स, एरिसवयणं णिसुयपुव्वं पुणो एवं वेसं अणुभूयपुव्वं ति चिंतयंतस्स तस्स कम्मखओवसमेण जाईसरणं उववण्णं / 'अहं संजओ आसि, पुणो जोइसिओ देवो, पुणो एस रण्णुंदुरो जाओ त्ति / एवं सुमरिऊण अहो ! एरिसो णाम संसारो त्ति, जेण देवो वि होऊण तिरियजाईए अहं उववण्णो त्ति, ता भगवओ पायमूले गंतूण भगवंतं वंदामि, पुच्छामि, च किं मए उंदुरतणं पत्तं, किं वा पाविहामि इओ अग्गे त्ति चिंतयंतो एस मम सयासं आगओ त्ति, सबहुमाणो (थुणिऊण) थुणिउं समाढत्तो भगवं ! जे तुह आणं, तिहुयणणाहस्स कहवि खंडंति / ते मूढा अम्हे विव, दूरं कुगईसु वियरंति' / / 5 / / ता भगवं ! किं पुणो मए कयं ? जेणाहं एरिसो जाओ मि' एवं एसो पुच्छइ / तित्थयरो आह-भो ! भो ! महासत्त ! तम्मि काले तए चिंतियं 'जह रण्णुंदुरा धण्ण' त्ति तेण नियाणसल्लदोसाणुभावेण देवत्तणे वि रण्णुंदुरत्तणे आउयगोत्ताइं णिबद्धाइं / एत्थंतरे गणहरेण भगवं पुच्छिओ, भगवं ! किं सम्मदिट्ठीजीवो तिरियाउयं बंधइ ण वत्ति / भगवया भणियं च ‘सम्मदिट्ठी जीवो तिरियाउयं वेदेइ, ण उण बंधइ / भण्णइ य सम्मतम्मि उ लद्धे, ठइयाइं णरयतिरियदाराई / जइ य ण सम्मत्तजढो, अहव ण बद्धाउओ पुट्विं / / 6 / / ___ अणेण देवत्तणम्मि वट्टमाणेण सम्मत्तं वमिऊण तिरियाउयं बद्धं ति / इंदेण भणियं भगवं ! कहं पुण संपयं एसो सिद्धिं पाविहिइ त्ति / भगवया भणियं-इओ एस वणे अप्पणो ठाणे वञ्चंतो हियए चिंतिहिइ-दुरंतो संसारो, ण सुंदरं नियाणसलं, अहमा उंदुरजोणी, दुल्लहं जिणवरमग्गं, ता एत्थ णमोक्कारसणाहो मरिऊण जत्थ विरइं पावेमि तत्थ जाओ वरं ति चिंतयंतो अत्तणो बिलिक्कदेसे भत्तं पञ्चाइक्खिऊण मम वयणं चिंतयंतो णमोक्कारपरो य अच्छिहिइ त्ति / तत्थ वि अणुकूल-उवसग्गेहिं रण्णुंदुरसुंदरीहिं खोहिज्जमाणो ‘अञ्चंतदुक्खदाइभोगेहिं अलं, हे जीव ! संपयं पुण्णो भत्तपरिञ्चाएण जं संसारतरंडयं पावसु' त्ति चिंतयंतो तओ हुत्तं न पुलएइ / हियए जिणेसरं झायंतो तइयदिवसे खुहासोसियसरीरो मरिऊण मिहिलाए' मिहिल्लरण्णो चित्तणामाए महादेवीए कुच्छिम्मि 1. विचरन्ति भ्रमन्ति / / 2. मिथिलाभिख्यनरेन्द्रस्य / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |