Page Text
________________ पाइअविनाणकहा-२ हं सावगो तहा तुमंपि सावगधम्म पडिवज्जसु, सावि पइव्वयत्तणओ तव्वयणाणंतरमेव सपरियणा भगवंतिए साविगा संजाया / तद्दिणाओ दोहिंपि दाण-सील तवभागणामओ चउद्दसवरिसाणि निक्कलंको सावयधम्मो पालिओ / पण्णरसंमि य वरिसे जेट्टपुत्तं गिहनायगं ठवित्ता वाणियगामस्स पञ्चासण्णे कोल्लागसंनिवेसे परमसावएहिं सह पोसहसालं कराविय चिट्ठइ / परिचत्तारंभो सामिसुस्सूसणपरो निरवज्जाहारकयपाणवित्ती सावगधम्मसारं आराहेइ / एवं तत्थ वि तहेव सुठ्ठ तवोनिरयस्स समुप्पण्णं ओहिनाणं, तेण य पेच्छइ सव्वभरहखेत्तं, भरहखेत्तसंबंध लवणसमुदं च पंचजोयणसयं, उड्डं च सोहम्मदेवलोगं, हेट्ठा पुण पढमनरयपुढवीए पढमपत्थडं जाव पेच्छइ / विविहतवविसेसेहिं च छ संवच्छराणि सोसियसरीरो पर्यपि गंतुमसमत्थो कुणंतो धम्मजागरियं चिंतेइ जाव भरहखित्ते सामी विहरेइ ताव अणसणं पडिवज्जामि, पभाए अणसणं पडिवण्णो / सिरिमहावीरो समोसरिओ, भिक्खट्ठाए नयरं आविट्ठो गोयमो आणंदस्स अणसणं बहुसो जणाओ सुणेइ, गोयमो तत्थेव आगच्छइ, सीसे कयकरंजली आणंदो भणेइ- आगंतुं असमत्थो तओ मम सण्णिहिया होह, तिवारं चरणं फासिअ वंदेइ, पुच्छइ य सावगस्स ओहिनाणं उप्पज्जइ किं ? / गोयमो आह-समुप्पज्जइ, / सो कहेइ-मम एव इयं ओहिनाणं समुप्पण्णं, अदिण्णोपयोगो गोयमो भणइ-गिहत्थस्स न तावइयविसयं ओहिनाणं, [अओ] असब्भूयभासणस्स मिच्छामि दुक्कडं दाऊण आलोएह, तव पायच्छित्तं लग्गं / तओ आणंदो भणइ-भयवं ! सञ्चमवि भासियं किं आलोइज्जइ ? गोयमो नत्ति / आणंदो-जइ एवं तुब्भेहिं चेव पमायपरूवणाए आलोइयव्वं, मम पुण नत्थेत्थ विसए को वि संसओ / __ आणंदभासियं सोऊण गोयमो संकिओ सामिसगासे आगंतूण भत्तपाणं दंसिऊण वंदित्ता पुच्छइ-केसि सच्चं ? / 'आणंदभणियं सच्चं' ति भयवं कहेइ, पुण भणियो य गोयमो-नियमणुवओगभणियं आलोएहि, गंतुं च आणंदं खामेहि, भगवदुत्तं सम्म पडिवज्जित्ता तहेव कयं / वीरो विहरिओ / आणंदो वि वीसं वरिसाणि जाव सावयत्तं अणुपालित्ता मासखवणं काऊण सोहम्मकप्पे अरुणाभे विमाणे चउपलिओवमाऊ देवो जाओ, तओ चुओ महाविदेहे सिज्झिस्सइ, जहा कामदेवो / उवएसो सुणिऊणं इहाणंद-सावगस्स नियंसणं / भव्वा भावविसुद्धीए, जत्तं कुणेह सव्वया / / 2 / / एवं भावविसुद्धीए आणंदसावगस्स छप्पण्णासइमी कहा समत्ता / / 56 / / -कहावलिगंथाओ
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |