________________ 100 पाइअविनाणकहा-२ उवएसो - सुगस्स मइमंतस्स, नियवेरनिवारणे / नियंसणं इहं सोञ्चा, होजा जारिसे तारिसो / / 2 / / 'सढे सढत्तणं कुज्जा' इह वेसा-सुगाणं एगणउयमी कहा समत्ता / / 91 / / -पबंधपंचसईए 22 बाणउइयमी सासणस्स पहावणाए कट्ठमुणिणो कहा दुट्ठसीला जया नारी, सत्तूओ वि भयंकरा / नायं कट्ठमुणिस्सेह, सासणस्स पहावगं / / 1 / / रायगिहनयरम्मि कट्ठसेट्ठी वसइ / तस्स वजा भज्जा, पुत्तो देवप्पिओ लेहसालाए पढेइ / सेट्ठिस्स गेहम्मि अवच्चाई पिव तिण्णि सुग-सारिगा- कुक्कुडा संति / तहा एगो माहणपुत्तो नियघरम्मि रक्खिओ / सो सेट्ठी एगया नियगेहभारं भज्जाए सुगस्स य अप्पिऊणं लच्छीनिमित्तं विएसम्मि चलित्था / अह माहणपुत्ते जोव्वणं पत्ते वज्जा तेण सद्धिं विसयसोक्खाइं भुंजमाणा चिटेइ / ताणं तारिसं सरूवं दळूणं सारिगा सुगं साहित्था-'पावकम्मपरे एए निवारेमो' / सुगो वयासी उवएसो हि मुक्खाणं, पकोवाय न संतये / पयपाणं भुजंगाणं, केवलं विसवद्धणं / / 2 / / संपयं समयो नत्थि / पिय ! सुणसु सब्भावं, वरं मरणं अकाले वि / मे तायस्स घरे न खमं, अकजमेयारिसं दटुं / / 3 / / एवं वयंती सा सारिगा कुवियाए वज्जाए अग्गिम्मि पक्खित्ता / तओ सुगो मउणं कासी / एगया तस्स घरम्मि तवंसिजुगं भिक्खत्थं समागयं / एगेण वुड्ढेण लहुणो पुरओ एवं वुत्तं-'अस्स कुक्कुडस्स समंजरिं सिरं जो खाएइ, सो राया सिया / तव्वयणं तेण माहणेण कडंतराओ सुणियं / तओ सो बडुओं वजं पइ वयासी-इमस्स तंबचुडस्स अवस्सं सिरं मम दिज्जसु / तीए वि कहंचि तं पडिवण्णं / तओ सा वज्जा तं हंतूणं पयणटुं अग्गिम्मि खिवित्था / सो बडुओ सिसाणटुं गओ / 1. ब्राह्मणः / /
