________________ जोग्गाण संजोगे चोरस्स कहा-११ 35 एगया मज्झरत्तीए पुत्तो सेज्जाथिओ अस्थि / वुड्डा पुत्तमुहं दळूण पत्थेइ ‘हे जमराय ! मं नेएज्जा, मम पुत्तं मा नेसु' एवं पुणो पुणो पत्थणं कुणंती निदं पत्ता / तया समीवघरत्थो महीसो छुट्टिओ समाणो थेरीए अपिहिअदारे घरंमि पविट्ठो / सो महिसो गाढसुत्ताए वुड्डाए पाउअवत्थस्स अंचलं जाइसहावेण आकरिसइ / वुड्डा जागरिआ समाणी महिसं पासेइ, पासित्ता विआरेइ-'पुत्तस्स गहणाय आगओ जमराओ भुल्लेण मं करिसेइ' / तया तीए उत्तं-'हे जमराय ! हं तु नीरोगा म्हि, मम पुत्तो रोगपीडिओ एत्थ सज्जाए थिओ अत्थि, एअं गिण्हाहि, तुं भुल्लेण एत्थ किं आगओ सि ? ' / तीए तं वयणं सज्जाथिओ पुत्तो वि सुणेइ, विआरेइ-मम माउस्स कित्तिमो केरिसो ममुवरि नेहो अत्थि, सव्वे संसारिणो नियत्थसाहणपरा, परत्थविमुहा हुन्ति, अओ अहं पि नीरोगो होस्सामि, तया सिग्घं अप्पणो अत्थं साहिस्सामि, एवं सुहचिंताए कमेण नीरोगो जाओ / सव्वं चइऊण परलोगमग्गाराहगो जाओ / उवएसो वुड्डाए कारिमं नेह, नियपुत्ते वि पेक्खिअ / पयट्टेज्जा निए हिए, 'सत्थभंसो हि मुक्खया' / / 2 / / कित्तिमनेहोवरिं वुड्डाए दसमी कहा समत्ता / / 10 / / - सूरीसरमुहाओ / 11 एगारसी जोग्गाण संजोगे चोरस्स कहा विरुद्धदंपईणं पि, संबंधो नेव सोहए / अओ जोगोऽणुरूवाणं, जहा चोरेण कारिओ / / 1 / / धाराए नयरीए भोयनरिंदरज्जे एगमि घरे पुरिसो कुरूवो निग्गुणो अ, तस्स य भज्जा सुरूवा सुगुणा / सा इत्थी धम्महीणपइस्स जोगेण निच्चं दुक्खिआ अत्थि / अन्नंमि गिहम्मि भज्जा कुरूवा निग्गुणा, तीए य पई सुरूवो सुगुणो / निग्गुणाए भज्जाए सो दुहिओ समाणो कहंपि कालं नेइ / एगया चोरेण ताणं गिहाणं खत्तपयाणे अणणुगुणजुत्ते दुवे दंपइणो दळूण सुत्तइत्थिदुगाणं परावट्टणं कयं / जाणं सुजोगो जाओ, ते चिराओ उब्विग्गा, तया पसण्णा संजाया / अन्नेण निग्गुणेण भोयनरिंदसहाए गंतूण 'हे नरिंद ! मम भज्जा सुरूवा केण वि हरिअ त्ति मम नाओ दायव्यो ' इइ जाणाविअं / रण्णा नयरंमि पडहुग्घोसो कारिओ-'अस्स भज्जा जेण वि हरिआ होज्जा, तेण अवस्सं एत्थ आगंतव्वं, अन्नह पच्छा महादंडो होहिइ ' / सो चोरो पडहुग्घोसं सोच्चा नरिंदसहाए आगच्च कहेइ मए अस्स इत्थिं हरिऊण सुरूवस्स जोग्गस्स अवरस्स दिन्ना / जओ उत्तं