Page Text
________________ जिणदासस्स कहा-५ 25 नरिंदो कहेइ-"एवं न, किन्तु अहं संबंधत्तणेण पुच्छामि' / तया सो जिणदासो सम्मं सबंधुं नरिंदं पुत्तत्ताए उवलक्खेइ, किन्तु कहं कहिज्जइ 'तुम्हे मम पुत्त' त्ति / तओ सेट्ठी मोणेण थिओ / तया सबंधू नरिंदो सीहासणाओ उत्थाय पिउस्स पाए पाडिअ कहेइ-“पिअ ! अम्हे एयावंतं कालं पिउमुहदंसणपरिहीणा निब्भग्गा तुम्हाणं पाए पणमिमो, अज्ज अम्हाणं दिवसो सहलो, जं पिउपायदंसणं जायं / मायावि तं समायारं लोगमुहाओ जाणिऊण सिग्धं तत्थ आगया / सहसा आगयं मायरं दट्टणं ते दुण्णि वि माइपाएसु पडिआ / मायावि पमोएण थण्णझरंतथणा अच्छीहितो अंसूणि मुचंती नियपुत्ते सहरिसं आलिंगइ / जिणदत्तनरिंदोवि मायरपियरे सीहासणे ठविऊण कहेइ-'तुम्हाणं पुण्णप्पहावेण मए रज्जं लद्धं, तुम्ह संतिअं एयं रज्जं, तम्हा तुम्हे अंगीकुणेह, अम्हे वि तुम्हं चरणे सेविहामो। मायापिउणो कहिंति-“हे पुत्ता ! आजीवणं सम्मं आराहिअस्स जिणधम्मस्स एयं फलं, तओ तुम्हे वि जिणिंददेवगुरुधम्माराहणे सया तप्परा होह / पुत्तावि धम्मसम्मुहा जाया / ठक्कुरो वि सेट्ठिणो एए पुत्ता, जे मए वहाइ चंडालाय अप्पिआ' इअ नाऊण सभीओ सपुत्तजिणदासस्स पाए नमइ, नियावराहं खमेइ / नरिंदो वि तस्स सव्वमवराहं खमेइ, आंसयदाणाओ ठक्कुरस्स वि पञ्चुवयारकरणत्थं गामे देइ / जिणदत्तनरिंदो मायापियबंधुजुत्तो नियनयरंमि समागओ / जिणदत्तनरिंदो बंधुजुत्तो पिउस्स निब्बंधेण सीहासणे उवविसिअ नाएण रज्जं पालेइ / जिणमईए जुत्तो जिणदासोवि जिणपडिमाओ अच्चंतो, आयरियमुहाओ जिणवरकहिअधम्मं सुणतो, वयाइं पालंतो सुहेण कइवि वासे गमेइ / पज्जते धम्मघोससूरिणो पासे सभज्जो दिक्खं धेत्तूण, सम्मं आराहिअ देवलोगं पत्तो / कमेण सिज्झिस्सइ / ' सो जिणदत्तो नरिंदो जिणरक्खिअजुत्तो जिणवरचेइआलंकियाई नयराइं कुणंतो, साहम्मिअजणवच्छल्लं समायरंतो, दीणाणाहे उद्धरंतो सद्धम्मकिच्चेहिं जिणसासणं पहावंतो, सावयधम्म परिपालंतो सुहेण कालं गमेइ / आउसपज्जते पुत्तस्स रज्जं अप्पिऊणं सबंधुजुत्तो पव्वजं गुरुणो समीवे गिण्हित्ता सम्मं परिपालिऊण सग्गसुहं पत्तो, कमेण सिद्धि पाविस्सड / उवएसो जिणदासस्स दिटुंतं, उवगारसमस्सिअं / सुणित्ता भविआ ! तुम्हे, दाणधम्मे जएजह / / 3 / / दाणधम्मोवरिं जिणदाससेट्ठिणो पंचमी कहा समत्ता / / 5 / / - सूरीसरमुहाओ 1. आश्रय - / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |