Page Text
________________ पाइअविनाणकहा-१ गामसामि ओलग्गिउं पवत्तो / कयाइ तेण सद्धिं रायगिहं गओ / तत्थ गामाहिवं महंतयस्स पणामाई कुणमाणं आलोइऊण इमाओ वि एस पहाणो त्ति महंतयं सेविउं पउत्तो / तं पि सेणिय-नरिंदस्स विणयपरायणमवलोइऊण सेणियमोलग्गिउं आरद्धो / ___ अन्नया तत्थ भगवं वड्डमाणसामी समोसढो / सेणिओ सबलवाहणो वंदिउं निग्गओ / तओ फलसालो भगवंतं समोसरणलच्छीए सोहमाणं पासंतो अइविम्हिओ जाओ / नूणमेस सव्वुत्तमो, जो एवं नरिंदविंद-देविंददाणविंदेहिं वंदिजइ, ता अलमन्नेहिं / एयस्स ञ्चिय विणयं करोमि / तओ अवसरं पाविऊण खग्गखेडगकरो चलणेसु निवडिअ विन्नविउं पवत्तो-'भयवं ! अणुजाणह, अहं भे ओलग्गामि' / भगवया भणियं-'भद्द ! नाहं खग्गफलगहत्थेहिं ओलग्गिज्जामि, किंतु रओहरणमुहपोत्तिया-पाणीहिं, जहा एए अन्ने ओलग्गंति' / तेण भणियं-'जहा तब्भे आणवेह. तहेवोलग्गमि / तओ जोग्गो त्ति भगवया पव्वाविओ, सगइं च पाविओ त्ति / / उवएसो अउलं विणयस्सेवं, नया फलपरंपरं / फलसालव्व कायव्वो, ज़णेहिं सो पयत्तओ / / 2 / / . विणओवरिं फलसालस्स पढमा कहा समत्ता / / 1 / / - धम्मरयणपयरणे बीआ मुक्खस्स कहा ------------------- अणिग्गहीयजीहाए, विवागो दुक्खदायगो / जायए जह वायालो, पहिओ खुहिओ ठिआ / / 1 / / एगो मुक्खो पहिओ थेरीए गिहे गओ, तं कहेइ मम खिप्पचडिअं रंधिऊण देसु / सा किवाए रंधिउं आरद्धा, तीए गिहे रुट्ठपुट्ठमहिसिं दट्टण पुच्छइ-'हे वुड्ढे ! जइ एसा महिसी मरेज्जा, तया लहुद्दाराओ सा कहं निग्गच्छेज्जा'? सा वएइ-अवमंगलं न वोत्तव्वं' / सो मउणो ठिओ / पुणरवि पुच्छइ-माय ! तव पुत्तो अत्थि न वा ? सा कहेइ-'देसंतरे वाणिज्जत्थं गओ' / सो पुच्छेइ-'जइ सो तत्थ मरेज्जा, ता तव कहं निव्वाहो होज्जा' ? / तया तीए रुट्ठाए अद्धरंधिअं खिप्पचडिअंतस्स वत्थंचले खिविऊण गेहाओ निक्कासिओ / कोवि गच्छंतं तं पहिअं पुच्छइ-'किं झरइ' ? / सो कहए-'जीहाए रसो त्ति' / एवं जीहाए अमयं विसं च वसइ / विसमईए जीहाए? सव्वत्थ अवमाणणिज्जो हुज्ज / / 1. सेवितुम् / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |