________________ 144 पाइअविनाणकहा-१ समवसरणदुवारमुवागया समाणा नयणसुहंजणं चउरूवं धम्मं दिसंतं सिरिमहावीरं पेक्खइ / सुरासुरनरिंदेहिं सेविज्जमाणं वीरप्पहुं दट्ठण रोमंचंचियदेहा हरिसंसुपाविअनेत्ता झाएइ धण्णाऽहं कयपुण्णा हं, सुहगाऽहं च सव्वहा / अज्ज फलं च संपत्तं, जम्मणो जीवियस्स य / / 2 / / विस्सविस्सेसरो देवो, जं वीरो पासिओ मए / वंदिस्सं अञ्चइस्सं तं, धम्मं सोच्छामि तम्मुहा / / 3 / / इच्चाई उद्धमुही झायंती खलियपाया भूमीए पडिया, झीणाउसा अविमुत्तसुहज्झाणा मरणं पाविअ सोहम्मे देवो जाओ / जियारिनरिंदो भूमीए पडियं थेरिं दट्टणं मुच्छियं मन्नमाणो जलेण तं सिंचावित्था / निप्पंदत्तणेण 1. नयनसुधाञ्जनम् / /
