Page Text
________________ नायज्जणोवरिं जिणदत्तस्स कहा-५२ 139 गहणेण अणीई होज्जा, एरिसं दव्वं न कप्पइ' / तया नरवई वएइ-'एत्थ किं पमाणं ?' / जिणदत्तो वएइ महाराय ! परिक्खं कुणाहि' तया राया परिक्खाकए नियसंतियं सेट्ठिसंतियं च एगमेगं दीणारं सचिहं काऊण मंतिस्स देइ, कहेइ य मईओ दीणारो पवित्तपुरिसस्स दायव्वो, सेट्ठिणो य दीणारो पाविट्ठस्स अप्पियव्वो / तस्स केरिसो परिणामो होस्सइ, तं समए जाणिस्सं / सो मंती बीयदिणंमि पञ्चूसकाले बाहिरं गओ / तया संमुहमागच्छंतं मच्छवहगधीवरं पासित्ता वियारेइ-'सव्वत्तो अहमयमो पाविठ्ठयमो य अयं चिय, जो निरत्थयं निरवराहे मच्छे हणेइ त्ति चिंतित्ता सेट्ठिस्स दीणारं मच्छवहगस्स धीवरस्स देइ / अग्गओ गच्छंतो मंती कस्स वि तरुस्स हिढे पंचग्गिसेवगं झाणमग्गं ठिअं कंपि तवस्सिं दट्टण तस्स पुरओ पच्छण्णं रायसंतियं दीणारं ठविअ तस्स चरियं पेच्छंतो तरुस्स पच्छाभागे ठिओ। खणंतरे सो तवंसी झाणमुक्को समाणो सूरकिरणेहिं दिप्पंतं तं दीणारं दद्वृण चलचित्तो जाओ / सो वियारेइ-अपत्थणाए पत्तं दव्वं अवस्सं ईसरेण दिण्णं / मए आजम्माओ बम्हवयं पालियं, कया वि कामभोगा न भुत्ता, तओ एयाओ दीणाराओ ईसरेण किल कामसुहभोगाय पेरिओ हं, एवं सो असुद्धदव्वसंसग्गेण कलुसियचित्तो झाणभट्ठो. परंगणासु रत्तो वयभट्ठो संजाओ / एयारिसो अण्णायदव्वस्स परिणामो / __सो धीवरो सेट्ठिसंतियं दीणारं लहित्ता चिंतेइ-एणं कत्थ रक्खिस्सं, जिण्णवत्थत्तणेण तं दीणारं मुहे मुंचे। सेट्ठिदीणाररसासायणेण तस्स सुहो वियारो संजाओ / वियारेइ-केण वि धम्मिटेण धम्मटुं मज्झ दिणारो दिण्णो, एयस्स दीणारस्स पण्णरह रूवगा भविस्संति / जालगयमच्छविक्कएण एगदिणस्स वि कुटुंबनिव्वाहो न होहिइ / अज्जवि जालगयमच्छा जीवंति, तया एयाणं मच्छाणं रक्खणेण पुण्णफलं तस्स धम्मिट्ठस्स किं न देमि' ? त्ति वियारित्ता सव्वे मच्छे सरंमि पक्खिवित्ता नयरंमि समागओ / कस्स वि वणिअस्स हट्टओ एगेण रूवगेण धण्णाई किणिऊण घरंमि गओ / तस्स कुडुंबवग्गो वि धण्णेहिं सहियं सिग्घं आगयं धीवरं पासित्ता पुच्छेइ-'कुओ एयाई अदिट्ठपुव्वाई सुद्धधण्णाई लद्धाइं ' ति ? कहित्ता सो कुटुंबवग्गो कच्चे धण्णकणे खाइउं पउत्तो / सुद्धदव्वाहारत्तणेण सव्वस्स सुहपरिणामो जाओ / तस्स भज्जा वि पुच्छइ-'कुओ एयाई लद्धाइं?' सो धीवरो कहेइ-केणावि धम्मिएण मम एगो दीणारो अप्पिओ / तत्थ एगेण रूवगेण धण्णाई आणीयाइं / अवसिट्ठा चउद्दस रूवगा संति / ते दट्टण धण्णकणभक्खणेण य जायसुद्धभावा भज्जापुत्ताइणो कहिंति-एएहि रूवगेहिं दुमासं जाव कुटुंबनिव्वाहो होही / तओ एयं महापावकारणं निरवराहजीववहसरूवं निंदणिज्जं जीवणं चइऊण निद्दोसकम्मणा वित्ती सिया तो अईव सोहणं / एवं सोच्चा सो धीवरो पावमइं वित्तिं चइत्ता निद्दोसवावारेण ववहरिउं लग्गो / एवं नायनिप्पण्ण-दव्वप्पहावेण एसो धीवरो सपरिवारो सुही जाओ / मंती वि नायदव्वेण धीवरस्स लाहं, अणीइदव्वाओ य तवस्सिणो हाणिं दट्टणं भोयनरिंदस्स अग्गओ सव्वं कहेइ / राया वि नायनिप्पण्णदव्वस्स पहावं नच्चा णायदव्वज्जणे पउणो जाओ / एवं सुहकंखिणा जणेण नायदव्वज्जणंमि सइ पयट्टियव्वं ति / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |