Page Text
________________ परासुहचिंतणे सुंदरीए कहा-३८ 89 तया गयणमग्गेण गच्छंती सिरिदेवी तस्स हिययभावं नाऊण परिक्खत्थं समीवं आगच्च कहेइ-“हे भिक्खु ! तुज्झ हिययभावो मए जाणिओ, तेण दयाइ तुज्झ किं पि दव्वं दाउं इच्छामि, तुमं वत्थं पसारेसु, तत्थाहं दीणारे पक्खिवेमि / जया तुम्ह संतोसो होज्जा, तया अलाहि त्ति वएज्ज / परंतु पक्खिवमाणेसु दीणारेसु जइ एगो वि दीणारो भूमीए पडिस्सइ, तया सो कक्करो होही" त्ति कहित्ताणं सा लच्छी देवी पसारिए तस्स जिण्णवत्थंमि दीणारे पक्खिविउं लग्गा / सो भिक्खु लोहग्गत्थो अलं अलं ति न निवारेइ / दीणारेहिं तेहिं वत्थं समंता परिपुण्णं संजायं पि सो न निसेहेइ / पुणोवि कहेड़ एत्थ पंच दीणारे पक्खिवेसु, ते वि पक्खिवित्ताणं उत्तं-'किं तुज्झ संतोसो न जाओ ?' / असंतोसेण सो पुणो पुणोवि मग्गेइ / एवं पक्खिवमाणाणं दीणाराणं बहुभारेण जिण्णत्तरेण जिण्णत्तणेण य वत्थं भिण्णं, ते सव्वे दीणारा भूमीए पडिया, तया सो भिक्खू हाहारवं कुणंतो अवणमिऊण भूमीए पडिए दीणारे पासेउंलग्गो / तया सव्वे दीणारा कक्कररूवा संजाया / जया उद्धं पासेइ, तया लच्छी वि अदंसणं पत्ता / तओ सो निब्भग्गसेहरो अप्पाणं निंदंतो दुहिओ संजाओ / एवं असंतोसेण जीवो दुहं पावेइ / / उवएसो निद्धणत्थिजणस्सेह, कज्जवज्जियभावणं जाणित्ता 'थोवदव्वे वि, संतोसं माणसे धरे' / / 2 / / असंतोसे निद्धणभिक्खुस्स सत्ततीसइमी कहा समत्ता / / 37 / / -गुज्जरभासाकहाए 38 अडतीसइमी परासुहचिंतणे सुंदरीए कहा 'परस्स चिंतिअं जंतु, सस्स तं जायए धुवं' / भजाए चिंतिआ हिंसा , तीए अप्पंमि साऽऽगया / / 1 / / ओहिनाणजुत्तो वरदत्तमुणीसरो विहरमाणो कोसंबीए पुरीए नयरुज्जाणे समागओ / महीवालनरिंदो तह य पउरजणा य देसणासवणत्थं उज्जाणे समागया / उवएसदाणावसरे कहेइ-“साहवो सव्वत्थ चंदुव्व सव्वेसिं अल्हायगरा हुंति, सत्तुसु मित्तेसु वा, सावराहीसु निरवराहीसु वा समभावा हवंति" त्ति कहिंतो हसमाणो ठिओ / तया नरिंदो लोगा य पुच्छंति ‘भयवं ! तुमं निक्कारणं किं हससि ?, साहूणमेयं अणुइअं' / तओ ओहिनाणी कहेइ-"एत्थ निंबरुक्खे संठिआ सवलिआ पुव्वभववइरहेउणा कोहेण मम हंतुमिच्छइ, इमीए अच्छेरजणगं चरियं ओहिणा दट्ठण मए हसिअं” / 1. समडी इति भाषायाम् / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |