Page Text
________________
२९६
नन्दी सूत्र *******************************
************************
*******************
******************
जइ उक्कालियस्स उद्देसो, समुद्देसो, अणुण्णा, अणुओगो य पवत्तइ, किं दसवेकालियस्स, कप्पियाकप्पियस्स, चुलकप्पसुयस्स, महाकप्पसुयस्स, उववाइयसुयस्स, रायपसेणियसुयस्स, जीवाभिगमस्स, पण्णवणाए, महापण्णवणाए, पमायप्पमायस्स, णेदीए, अणुओगदाराणं, देविंदत्थवस्स, तंदुलवेयालियस्स, चंदाविज्झयस्स, सूरपण्णत्तीए, पोरसिमंडलस्स, मंडलपवेसस्स, विज्जाचरणविणिच्छयस्स, गणिविजाए, झाणविभत्तीए, मरणविभत्तीए, ओयविसोहीए, वीयरागसुयस्स, संलेहणासुयस्स, विहारकप्पस्स, चरणविहीए, आउरपच्चक्खाणस्स, महापच्चक्खाणस्स, सव्वेसिं पि एएसिं उद्देसो, समुद्देसो, अणुण्णा, अणुओगो य पवत्तइ।
जइ कालियस्स उद्देसो जाव अणुओगो य पवत्तइ किं उत्तरज्झयणाणं, दसाणं, कप्पस्स, ववहारस्स, णिसीहस्स, महाणिसीहस्स, इसिभासियाणं, जंबूदीवैपण्णत्तीए, चंदपण्णत्तीए, दीवसागरपण्णत्तीए, खुड्डियाविमाणपविभत्तीए, महल्लियाविमाणपविभत्तीए, अंगचूलियाए, वग्गचूलियाए, विवाहचूलियाए, अरुणोववायस्स, वरुणोववायस्स, गरुलोववायस्स, धरणोववायस्स वेसमणोषवायस्स, वेलंधरोववायस्स, देविंदोववायस्स, उट्ठाणसुयस्स, समुट्ठाणसुयस्स, णागपरियावलियाणं, णिरयावलियाणं, कप्पियाणं, कप्पवडिंसियाणं, पुफियाणं, पुष्फचूलियाणं, वण्हिदसाणं, आसीविसभावणाणं दिट्ठिविसभावणाणं, (चारणभावणाणं) सुमिणभावणाणं, महासुमिणं भावणाणं, तेयग्गिणिसग्गाणं, सव्वेसिं पि एएसिं उद्देसो, समुद्देसो, अणुण्णा, अणुओगो य पवत्तइ। ___ जइ अंगपविट्ठस्स उद्देसो, समुहेसो, अणुण्णा, अणुओगो य पवत्तइ, किं आयारस्स, सुयगडस्स, ठाणस्स, समवायस्स, विवाहपण्णत्तीए, णायाधम्मकहाणं, उवासगदसाणं, अंतगडदसाणं, अणुत्तरोववाइयदसाणं, पण्हावागरणाणं, विवागसुयस्स, दिट्ठीवायस्स, सव्वेसिं पि एएसिं उद्देसो, समुद्देसो, अणुण्णा, अणुओगो य पवत्तइ।
इमं पुण पट्ठवणं पडुच्च इमस्स साहुस्स, इमाए साहुणीए, उहेसो, समुद्देसो, अणुण्णा, अणुओगो य पवत्तइ। खमासमणाणं हत्येणं, सुत्तेणं, अत्येणं, तदुभएणं उद्देसोमि, समुद्देसोमि, अणुजाणामि।
।लघु नन्दी समाप्त।
Jain Education International
For Personal & Private Use Only
www.jainelibrary.org
| SR No. | 004198 |
| Book Title | Nandi Sutra |
| Original Sutra Author | N/A |
| Author | Parasmuni |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2006 |
| Total Pages | 314 |
| Language | Hindi, Sanskrit |
| Classification | Book_Devnagari & agam_nandisutra |
| File Size | 7 MB |