________________
23
- चन्द्रप्रज्ञप्ति सूत्र काविहे णं राहू प० १ ता दुविहे प०, तं०-धुवराहू य पन्चराहू य, तत्थ णं जे से धुवराह मे णं बहलपक्खस्स पाडिवए पण्णरसइभागेणं भागं चंदस्स लेसं आवरे. माणे० चिट्ठइ, तं०-पढमाए पढमं भागं जाव पण्णरसमं भागं, चरमे समए चंदे रत्ते भवइ, अवसेसे समए चंदे रत्ते य विरत्ते य भवइ, तमेव सुक्तपक्खे उक्दंसेमाण २ चिट्ठइ, तं०-पढमाए पदमं भागं जाव चंदे विरत्ते भवइ, अवसेसे समए चंदे रत्ते य विरत्ते य भवइ, तत्थ णं जे से पव्वराहू से जहण्णेणं छण्हं मासाणं, उवकोसेणं बायालीसाए मासाणं चंदस्स अडयालीसाए संवच्छराणं सूरस्स ॥ १०३ ॥ ता कहं ते चंदे ससी २ आहिएति वएजा ? ता. चंदस्स णं जोइसिंदस्स जोइसरण्णो मियंक विमाणे कंता देवा कंताओ देवीओ कंताई आसणसयणखंभभंडमत्तोक्गरणाई अप्पणावि य णं चंदे देवे जोइसिंदे जोइसराया सोमे कंते सुभगे पियदंसणे सुरूवे ना एवं खलु चंदे ससी चंदे ससी आहिएति वएजा । ता कहं ते सूरिए आइच्चे सूरे२ आहिएति वएजा ? ता सूराइया णं समयाइ वा आवलियाइ वा आणापाणूइ वा थोवेइ वा जाव उस्सप्पिणिओसप्पिणीइ वा, एवं खलु सूरे आइच्चे २ आहिएति .... वएजा ॥ १०४ ॥ ता चंदस्स णं जोहसिंदस्स जोइसरण्णो कइ अग्गमहिसीओ पण्णत्ताओ ? ता चंदस्स० चत्तारि अग्गमहिसीओ पण्णत्ताओ, तं०-चंदप्पभा दोसिणाभा अच्चिमाली पभंकरा, जहा हेट्टा तं चेव जाव णो चेव णं मेहुणवत्तिय, एवं सूरस्सवि णेयव्वं, ता चंदिमसूरिया णं जोइसिंदा जोइसरायाणो केरिसए कामभोगे पञ्चणुभवमाणा विहरंति ? ता से जहाणामए-केइ पुरिसे पढमजोव्वणुट्ठाणबलसमत्थे पढमजोव्वणुढाणबलसमत्थाए भारियाए सद्धिं अचिरवत्तविवाहे अत्थार्थी अस्थगवेसणयाए सोलसवासविप्पवसिए से णं तओ लढे कयकज्जे अणसमन्गे पुणरवि णियघरं हव्वमागए हाए कयबलिकम्मे कयकोउयमंगलपायच्छित्ते सुद्धप्पावेसाई मंगलाई वत्थाई पवरपरिहिए अप्पमहन्याभरणालंकियसरीरे मणुण्णं थालीपागसुद्धं अट्ठारसवंजणाउलं भोयणं भुत्ते समाणे तंसि तारिसगंसि वासघरंसि अंतो बाहिरओ दूमियघट्टमट्टे विचित्तउल्लोयचिल्लियतले बहुसमसुविभत्तभूमिभाए मणिरयणपणासियंधयारे कालागरुपवरकुंदुरुक्कतुरुक्कधूवमघमघंतगंधुवुयाभिरामे सुगंधवरगंधिए गंधवट्टिभूए तंसि तारिसगंसि सयणिज्जसि दुहओ उण्णए मझोणयगंभीरेसालिंगणवट्टिए पण्णत्तगंडविधोयणे सुरम्मे गंगापुलिणवालुयाउद्दालसालिसए सुविरइयरयत्ताणे ओयवियखोमियखोमदुगूलपट्टपडिच्छायणे रत्तंसुयसंवुडे सुरम्मे आईणगरूयबूरगवगीय चूलकासे सुगंधवरकुमुमचुण्णतयणोवयारकलिए ताए तारिसाए
Jain Education International
For Personal & Private Use Only
www.jainelibrary.org
