________________
चन्द्रप्रज्ञप्ति सूत्र
1
जोहो वा
पंतिसयं हवइ मणुयलोयंमि । छावट्ठि २ हवइ य एक्केक्किया पंती ॥ १७ ॥ से मेरुमणुचरंता पयाहिणावत्तमंडला सव्वे । अणवट्ठियजोगेहिं चंदा सूरा गहगणा य ॥ १८ ॥ णक्खत्ततारगाणं अवट्ठिया मंडला मुणेयव्वा । तेवि य पयाहिणावत्तमेव मेरुं अणुचरंति ॥ १९ ॥ स्यणियरदिणयराणं उड्डुं च अहे व संक्रमो त्थ | मंडलसंकमणं पुण समितरबाहिरं तिरिए || २० || स्यणियरदिणयरागं णवत्ताणं महग्गहाणं च । चारविसेसेण भवे सुहदुक्खविही मणुस्साणं ॥ २१ ॥ तेसिं पत्रिसंताणं तावक्खेत्तं तु वढए गिययं । तेणेव कमेण पुणो परिहायइ णिक्खमंताणं ॥ २२ ॥ तेसिं कलंबुया पुण्फसंठिया हुंति तावखेत्तपहा । अंतो य संकुडा बाहि वित्थडा चंदसूराणं ॥ २३ ॥ केणं बढइ चंदो ! परिहाणी केण होइ चंदस्स ? भात्रेण चंदस्स ||२४|| किण्हें राहुविमाणं णिच्चं चंदेण होइ अविरहियं । चउरंगुलमसंपत्तं हिच्चा चंदस्स तं चरइ ||२५|| बाट्ठि २ दिवसे २ उ सुकपक्खस्स । जं परिवड्ढइ चंदो खवेइ तं चेव कालेणं ||२६|| पण्णरसइभागेण य चंद पण्णरसमेव तं वरइ । पण्णरसइभागेण य पुणोवि तं चैव वक्कमइ ||२७|| एवं बढइ चंदो परिहाणी एव होइ चंदस्स । कालो वा जुण्हो वा एवऽणुभावेण चंदस्स ॥ २८ ॥ अंतो मणुस्सखेत्ते हवंति चारोवंगा उ उववण्णा । पंचविहा जोइसिया चंदा सूरा गहगणा य ॥ २९ ॥ तेण परं जे सेसा चंदाइच्चगहतारणवखत्ता । णत्थि गई णवि चारो अवट्टिया ते मुणेयब्वा ॥ ३० ॥ एवं जंबुद्दीवे दुगुणा लवणे चउग्गुणाहुति । लावणगा य तिगुणिया ससिसूरा धायईसंडे ||३१|| दो चंदा इह दीवे चत्तारि य सायरे लवणतोए । धायइसंडे दीवे वारस चंदा य सूराय ||३२|| धायइसंडप्पभिइसु उद्दिट्ठा तिगुणिया भवे चंदा | आइल्लचंदसहिया अणंतराणंतरे खेत्ते || ३३ || रिक्खग्गहतारग्गं दीवसमुद्दे जहिच्छसी गाउं । तस्ससीहिं तग्गुणियं रिक्खग्गहतारगग्गं तु ॥ ३४ ॥ बहिया उ माणुसणगस्स चंदसूराणऽवट्ठिया जोहा | चंदा अभीइजुत्ता सूरा पुण हुंति पुस्सेहिं ॥ ३५ || चंदाओ सूरस्स य सूरा चंदस्स अंतरं होइ । पण्णाससहस्साइं तु जोयणाणं अणूणाई || ३६ || सूरम्स
२ ससिणो २य अंतरं होइ । बाहिं तु माणुसणगस्स जोयणाणं सयसहस्सं ||३७|| सूरतरिया चंदा चंदंतरिया य दिणयरा दित्ता । चित्तंतरलेसागा सुहलेसा मंदलेसा य ॥ ३८ ॥ अट्ठासीइं च गद्दा अट्ठावीसं चहुंति णक्खत्ता । एगससी परिवारो एत्ती ताराण वोच्छामि ॥ ३९ ॥ छावट्टिसहस्साइं णव चेव सयाई पंचसयराई ।
Jain Education International
For Personal & Private Use Only
७८
www.jalnelibrary.org
