________________
६३
. चन्द्रप्रज्ञप्ति सूत्र ता कहं ते चंदमसो वडोवड्डी आहितेति वएजा ? ता अट्ठ पंचासीए मुहुत्तसए . तीसं च बावट्ठिभागे मुहत्तस्स, ता दोसिणापक्खाओ अंधयारपक्रूमयमाणे चंदे चत्तारि बायालसए छत्तालीसं च बावट्ठिभागे मुहुत्तस्स जाइं चंदे रज्जइ, तंजहापढमाए पदम भागं बिइयाए बिइयं भागं जाव पण्णरसीए पण्णरसमं भागं, चरिमसमए चंदे रत्ते भवइ, अवसेसे समए चंदे रत्ते य विरत्ते य भवइ, इयण्णं अमा. वासा, एत्थ णं पढमे पव्वे अमावासा, ता अंधयारपरखो, तो णं दोसिणापवखं अयमाणे चंदे चत्तारे बायाले मुहुत्तसए छायालीसं च बावट्ठिभागा मुहुत्तस्स जाई चंदे विरजइ, तं०-पढमाए पढमं भागं बिइयाए विइयं भागं जाव पण्णरसीए पण्णरसमं भागं, चरिमे समए चंदे विरत्ते भवइ, अवसेससमए चंदे रत्ते य विरत्ते य भवइ, इयण्णं पुण्णिमासिणी, एत्थ णं दोच्चे पव्वे पुण्णिमारिणी ॥७७॥ तत्थ खलु इमाओ बावडिं पुणिमासिणीओ बावढि अमावासाओ पण्णत्ताओ, बावडिं एए कसिणा रागा, बावहिँ एए कसिणा विरागा, एए चउवीसे पव्वसए, एए चउव्वीसे कसिणरागविरागसए, जावइया णं पंचण्हं संवच्छराण समया एगेणं चउव्वीसेणं समयसएणूणगा एवइया परित्ता असंखेजा देसरागविरागसया भवतीति मक्खाया, ता अमावासाओ णं पुणिमासिणी चत्तारि बायाले मुहुत्तसए छत्तालीसं च बावट्ठिभागे मुहुत्तस्स आहितेति वएजा, ता पुण्णिमासिणीओ णं अमावासा चत्तारि बायाले मुहुत्तसए छत्तालीसं च बावहिभागे मुहुत्तस्स आहिंतेति वएजा, ता अमावासाओ णं अमावासा अट्ठपंचासीए मुहुत्तसए तिसं च बाट्ठिभागे मुहुत्तस्त
आहितेति वएजा, ता पुणिमासिणीओ णं पुण्णिमासिणी अट्ठपंचासीए मुहुत्तसए तीसं च बावट्ठिभागे मुहुत्तस्स आहितेति वएजा, एस णं एवइए चंदे मासे एस णं एवइए सगले जुगे ॥ ७८ ॥ ता चंदेणं अद्धमासेणं चंदे कइ मंडलाई चरइ ? ता चोद्दस चउन्भागमंडलाइं चरइ, एगं च चउव्वीससयभागं मंडलस्स, ता आइच्चेणं अद्धमासेणं चंदे कइ मंडलाइं चरइ ? ता १४ व मंडलाई चरइ, ता णवखतेणं अद्धमासेणं चंदे कइ मंडलाई चरइ ? ता तेरस मंडलाइं चरइ, तेरस सत्तट्ठिभागं मंडलस्स, तया अवराई खलु दुवे अट्ठगाई जाइं चंदे केणइ असामग्णगाई सयमेव पविट्टित्ता २ चारं चरइ, कयराइं खलु ताई दुवे अट्ठगाई जाई चंदे केणइ असा. मण्णगाई सयमेव पविट्टित्ता २ चारं चरइ ? ता इमाई खलु ते बे अगाई जाई चंदे केणइ असमण्णगाइं सयमेव पविट्टित्ता २ चारं चरइ, तंजहा-णिक्खममाणे
Jain Education International
For Personal & Private Use Only
www.jainelibrary.org
