Page Text
________________
चन्द्रप्रज्ञप्ति सूत्र पुरक्खडे समए, ता से णं किं पजवसिए आहिएति वएजा १ ता जे णं तच्चस्स अभिवडियसंवच्छरस्स आई से णं दोच्चस्स चंदसंवच्छरस्स पजवसाणे अणंतरपच्छाकडे समए, तं समयं च णं चंदे केणं णक्खत्तेणं जोएइ ? ता पुव्वाहिँ आसाढाहिं, पुवाणं आसाटाणं सत्त मुहुत्ता तेवण्णं च बावट्ठिभागा मुहत्तस्स वावट्ठिभागं च सत्तट्ठिहा छेत्ता इगतालीसं चुणियाभागा सेसा, तं समयं च णं सूरे केणं णवखत्तेणं [जोयं] जोएइ ? ता पुणव्वसुणा, पुणव्यसुस्स णं बायालीसं मुहुत्ता पणतीसं च बावट्ठिभागा मुहत्तस्स बावट्ठिभागं च सत्तट्ठिहा छेत्ता सत्त चुणियाभागा सेसा । ता एएसि णं पंचण्हें संवच्छराणं तच्चस्स अभिवडियसंवच्छरस्स के आई आहिएति वएजा ? ता जे णं दोच्चस्स चंदसंवच्छरस्स पजवसाण से णं तच्चस्स अभिवड़िय- . संवच्छरस्स आई अणंतरपुरक्खडे समए, ता से णं किं पजव सिए आहिएति. वएजा ? ता जे णं चउत्थस्स चंदसंवच्छरस्स आई से णं तच्चस्स अभिववियसवच्छरस्स पजवसाणे अणंतरपच्छाकडे समए, तं समयं च णं चंदे केणं णक्खत्तेणं जोएइ ? ता उत्तराहिं आसाढाहिं, उत्तराणं आसादाणं तेरस मुहुत्ता तेरस य बावट्ठिभागा मुहत्तस्स बावट्ठिभागं च सत्तहिहा छेत्ता सत्तावीसं च चुणियाभागा सेसा, तं समयं च णं सूरे केणं णक्खत्तेणं जोएइ ? ता पुणव्वसुणा, पुणव्यसुस्स दो मुहत्ता छप्पण्णं च बावट्ठिभागा मुहुत्तस्स बावट्ठिभागं च सत्तट्टिहा छेत्ता सट्ठी चुण्णियामागा सेसा । ता एएसिणं पंचण्हं संवच्छराणं चउत्थस्स चंदसंवच्छरस्स के आई आहिएति वएना ? ता जे णं तच्चस्स अभिवडियसंवच्छरस्स पजवसाणे से णं चउत्थस्स चंदसंवच्छरस्स आई अणंतरपुरक्खडे समए, ता से णं किं पजवसिए आहिएति वएजा ? ता जे ण चरिमस्स अभिवडियसंवच्छरम्स आई से णं चउत्थस्स चंदसंवच्छरस्स पज्जवसाणे अणंतरपच्छाकडे समए, तं समयं च णं चंदे केणं णखत्तेणं जोएइ १ ता उत्तराहिं आसाढाहि, उत्तराणं आसाढाणं चत्तालीसं मुहत्ता चत्तालीसं च बासट्ठिभागा मुहुत्तस्स बावट्ठिभागं च सत्तट्टिहा छेत्ता चउसट्ठी चुणियाभागा सेसा, तं समयं च णं सूरे केणं णक्खत्तेणं जोएइ ? ता पुणव्वसुणा, पुणव्वसुस्स अउणतीसं मुहुत्ता एक्कवीसं बावट्ठिभागा मुहुत्तस्स बावट्ठिभागं च सत्तट्टिहा छेत्ता सीयालीसं चुणियाभागा सेसा । ता एएसि गंपंचण्हं संवच्छराणं पंचमस्स अभिवड्डियसंवच्छरस्स के आई आहिएति वएजा ? ता जे णं चउत्थस्स चंदसंवच्छरस्स पजवसाणे से णं पंचमस्स अभिवडियसंवच्छरस्स आई अणंतरपुरवखडे समए, ता से णं किं पंजवसिए आहिएति वएजा ? ता जे णं पढमस्स चंदसंवच्छर
Jain Education International
For Personal & Private Use Only
www.jainelibrary.org
| SR No. | 004193 |
| Book Title | Chandra Pragnapti Surya Pragnapti Sutra |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2007 |
| Total Pages | 98 |
| Language | Hindi, Sanskrit |
| Classification | Book_Devnagari & agam_chandrapragnapti |
| File Size | 15 MB |