Page Text
________________
चन्द्रप्रज्ञप्ति सूत्र
५० छप्पण्णाए णखत्ताणं तत्थ जे ते णक्खत्ता जे णं णव मुहुत्ते सत्तावीसं च सत्तट्ठिभागे मुहत्तस्स चंदेण सद्धिं जायं जोएंति ते णं दो अभीई, तत्थ जे ते णवत्ता जे णं पण्णरस मुहत्ते चंदेण सद्धिं जोयं जोएंति ते णं बारस, तंजहा-दो सयभिसया दो भरणी दो अद्दा दो अस्सैसा दो साई दो जेट्टा, तत्थ जे ते णक्खत्ता जे णं तीसं मुहुत्ते चंदेण सद्धिं जोयं जोएंति ते णं तीसं, तंजहा-दो सवणा दो धणिट्ठा दो पुव्वाभवया दो रेवई दो अस्सिणी दो कत्तिया दो संठाणा दो पुस्सा दो महा दो पुव्वाफग्गुणी दो हत्था दो चित्ता दो अणुराहा दो मूला दो पुव्वासाढा, तत्थ जे ते णक्खत्ता जे णं पणयालीसं मुहत्ते चंदेण सद्धिं जोयं जोएंति ते णं बारस, तंजहा-दो उत्तरापोट्टवया दो रोहिणी दो पुणव्वसू दो उत्तराफग्गुणी दो विसाहा दो उत्तरासादा; ता एएसि णं छप्पण्णाए णखत्ताणं अत्थि णक्खत्ता जे णं चत्तारि अहोरत्ते छच्च मुहत्ते सूरिएण सद्धिं जोयं जोएंति, अस्थि णक्खत्ता जे णं छ अहोरत्ते एकवीसं च मुहुत्ते सूरेण सद्धिं जोयं जोएंति, अस्थि णखत्ता जे णं तेरस अहोरत्ते बारसमुहुत्ते सूरेण सद्धिं जोयं जोएंति, अस्थि णवत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति, ता एएसि णं छप्पण्णाए णक्खत्ताणं कयरे णखत्ता जे णं तं चेव उच्चारेयव्वं, ता एएसि णं छप्पण्णाए णखत्ताणं तत्थ जे ते णखत्ता जे णं चत्तारि अहोरत्ते छच्च मुहुत्ते सूरेण सद्धिं जोयं जोएंति ते णं दो अभीई, तत्थ जे ते णखत्ता जे णं छ अहोरत्ते एकवीसं च मुहत्ते सूरेण सद्धिं जोय जेएंति ते णं बारस, तंजहा-दो सयमिसया दो अद्दा दो अस्सेसा दो साई दो विसाहा दो जेट्ठा, तत्थ जे ते णवत्ता जे णं तेरस अहोरत्ते वारसमुहुत्ते सूरेण सद्धिं जोयं जोएंति ते णं तीसं, तंजहा-दो सवणा जाव दो पुव्वासाढा, तत्थ जे ते णक्ख़त्ता जे णं वीसं अहोरत्ते तिणि य मुहुत्ते सूरेण सद्धिं जोयं जोएंति ते णं बारस, तंजहादो उत्तरापोट्टवया जाव दो उत्तरासाढा ॥५८॥ ता कहं ते सीमाविक्खंभे आहिएति वएजा ? ता एएसि णं छप्पण्णाए णक्खत्ताणं अस्थि णक्खत्ता जेसि णं छ सयाजीसा सत्तट्ठिभागतीसहभागाणं सीमाविक्खंभो, अस्थि णक्खत्ता जेसि गं सहस्सं चोत्तरं सत्तट्ठिभागतीसइभागाणं सीमाविक्खंभो, अस्थि णक्खत्ता जेसि णं दो ससा दसुत्तरा सत्तद्विभागतीसइभागाणं सीमाविक्खंभो, अस्थिणक्खत्ता जेसि गतिसहस्सं पंचदसुत्तरं सत्तविभागतीसइभागाणे सीमाविक्खंभो, ता एएसि णं छप्पण्णाए णक्खताणं कयरे णखत्ता जेसि णं छ सया तीसा तं चेव उच्चारेयव्व-जाव कयरे णक्खत्ता
Jain Education International
For Personal & Private Use Only
www.jainelibrary.org
| SR No. | 004193 |
| Book Title | Chandra Pragnapti Surya Pragnapti Sutra |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2007 |
| Total Pages | 98 |
| Language | Hindi, Sanskrit |
| Classification | Book_Devnagari & agam_chandrapragnapti |
| File Size | 15 MB |