________________
अध्ययन २
आयाण- भंडमत्त-णिक्खेवणा-समिया, उच्चार- पासवण - खेल सिंघाण- जल्लपरिट्ठावणिया-समिया, मणसमिया, वयसमिया, कायसमिया, मणगुत्ता, वयगुत्ता, कायगुत्ता, गुत्ता, गुत्तिंदिया, गुत्तबंभयारी, अकोहा, अमाणा, अमाया, अलोभा, संता, पसंता, उवसंता, परिणिव्वुडा, अणासवा, अग्गंथा, छिण्णसोया, णिरुवलेवा, कंसपाइ व मुक्कतोया, संखो इव णिरंजणा, जीव इव अपडिहयगई, गगणतलं व णिरालंबणा, वाउरिव अपडिबद्धा, सारदसलिलं व सुद्ध-हियया, पुक्खर - पत्तं व णिरुवलेवा, कुम्मो इव गुत्तिंदिया, विहग इव विप्पमुक्का, खग्गिविसाणं व एगजाया, भारंडपक्खी व अप्पमत्ता, कुंजरो इव सोंडीरा, वसभों इव जायत्थामा, सीहो इव दुद्धरिसा, मंदरो इव अप्पकंपा, सागरो इव गंभीरा, चंदों इव सोमलेसा, सूरो इव दित्ततेया, जच्चकंचणगं व जायरूवा, वसुंधरा इव सव्व- फास-विसंहा, सुहुय - हुयासणो विय तेयसा जलंता ।
Jain Education International
७७
1
णत्थि णं तेसिं भगवंताणं कत्थ वि पडिबंधे भवइ, से पडिबंधे चउव्विहे पण्णत्ते; तं जहा - अंड इवा, पोयए इ वा उग्गहे इ वा, पग्गहे इ वा, जं णं जं णं दिसं इच्छंति तं णं तं णं दिसं अपडिबद्धा, सुइभूया लहुभूया अप्पगंथा संजमेणं तवसा अप्पाणं भावेमाणा विहरंति । तेसिं णं भगवंताणं इमा एयारूवा जाया माया - वित्ति होत्या; तं जहा - चउत्थे भत्ते, छट्ठे भत्ते, अट्ठमे भत्ते, दसमे भत्ते, दुवालसमे भत्ते, चउदसमे भत्ते, अद्धमासिए भत्ते, मासिए भत्ते, दोमासिए, तिमासिए, चउमासिए, पंचमासिए, छम्मासिए, अदुत्तरं च णं उक्खित्त चरगा, णिक्खित्त चरगा, उक्खित्त णिक्खित्तचरगा, अंतचरगा, पंतचरगा, लूहचरगा, समुदाणचरगा, संसट्ठ-चरगा, असंसट्ट-चरगा, तज्जात- संसट्ट-चरगा, दिट्ठलाभिया, अदिट्ठलाभिया, पुट्ठ-लाभिया, अपुटुलाभिया भिक्ख-लाभिया अभिक्ख-लाभिया, अण्णाय चरगा, उवणिहिया, संखा- दत्तिया, परिमित- पिंड-वाइया, सुद्धेसणिया, अंताहारा, पंताहारा, अरसाहारा, विरसाहारा, लूहाहारा, तुच्छाहारा, अंतजीवी, पंतजीवी, आयंबिलिया, पुरिमड्डिया, णिव्विगइया, अमज्ज- मंसासिणो, णो णिकाम - रसभोई, ठाणाइया, पडिमा -ठाणाइया, उक्कडुआसणिया, सज्जिया, वीरासणिया, दंडायतिया, लगंड-साइणो, अप्पाउडा, अगत्तया, अकण्डुया, अणिगुहा, [ एवं जहोववाइए ], धुय-केस-मंसु-रोम णहा, सव्वगाय- पडिकम्म- विप्यमुक्का चिट्ठति ।
For Personal & Private Use Only
www.jainelibrary.org
