________________
अध्ययन १ उद्देशक ९
܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀
से भिक्खू वा भिक्खुणी वा जाव समाणे वसमाणे वा गामाणुगामं वा दइज्जमाणे से जं पुण जाणिज्जा-गामं वा जाव रायहाणिं वा इमंसि खलु गामंसि वा जाव रायहाणिंसि वा संतेगइयस्स भिक्खुस्स पुरेसंथुया वा पच्छासंथुया वा परिवसंति तंजहा-गाहावई वा जाव कम्मकरीओ वा तहप्पगाराइं कुलाई णो पुव्वामेव भत्ताए वा पाणाए वा पविसिज्ज वा णिक्खमिज्ज वा, केवली बूयाआयाणमेयं । पुरा पेहाए तस्स परो अट्ठाए असणं वा, पाणं वा, खाइमं वा, साइमं वा, उवकरिज वा, उवक्खडिज वा, अह भिक्खुणं पुव्वोवइट्ठा एस पइण्णा, एस हेऊ, एस कारणे एस उवएसे जं णो तहप्पगाराइं कुलाई पुव्वामेव भत्ताए वा पाणाए वा पविसिज वा णिक्खमिज वा, से तमायाय एगंतमवक्कमिज्जा एगंतमवक्कमित्ता अणावायमसलोए चिट्ठिजा। से तत्थ कालेणं अणुपविसिज्जा अणुपविसित्ता तत्थियरेयरेहिं कुलेहिं सामुदाणियं एसियं वेसियं पिंडवायं एसित्ता आहारं आहारिजा॥
सिया से परो कालेण अणुपविट्ठस्स आहाकम्मियं असणं वा पाणं वा खाइमं वा साइमं वा, उवकरिज वा उवक्खडिज वा तं चेगइओ तुसिणीओ उवेहिज्जा आहडमेव पच्चाइक्खिस्सामि माइहाणं संफासे। णो एवं करिज्जा, से पुव्वामेव 'आलोएज्जा 'आउसो त्ति वा भइणि त्ति वा! णो खलु मे कप्पड़ आहाकम्मियं असणं वा, पाणं वा, खाइमं वा, साइमं वा, भोत्तए वा पायए वा मा उवकरेहि मा उवक्खडेहि। से सेवं वयंतस्स परो आहाकम्मियं असणं वा, पाणं वा, खाइमं वा, साइमं वा उवकरित्ता उवक्खडेत्ता आहट्ट दलइज्जा तहप्पगारं असणं वा पाणं वा खाइमं वा साइमं वा अफासुयं जाव णो पडिगाहिज्जा॥५०॥
कठिन शब्दार्थ - उवकरिज - करेगा-पकायेगा, उवक्खडिज - संस्कारित करेगा, पच्चाइक्खिस्सामि - मैं मना कर दूंगा।
भावार्थ - साधु या साध्वी किसी ग्राम आदि में स्थिरवास रहे हुए हैं अथवा मासकल्प रहे हुए हैं, वहाँ ग्रामानुग्राम विहार करते हुए दूसरे साधु साध्वी आवे तब वहाँ पहले से रहे
Jain Education International
For Personal & Private Use Only
www.jainelibrary.org
