________________
३५०
अनुयोगद्वार सू
सौधर्म से अच्युतकल्प पर्यन्त देवों की स्थिति
सोहम्मे णं भंते! कप्पे देवाणं पुच्छा ।
गोयमा ! जहणेणं पलिओवमं, उक्कोसेणं दो सागरोवमाई । सोहम्मे णं भंते! कप्पे परिग्गहियादेवीणं पुच्छा।
गोयमा ! जहणणेणं पलिओवमं, उक्कोसेणं सत्तपलिओवमाइं । सोहम्मे णं भंते! कप्पे अपरिग्गहियादेवीणं केवइयं कालं ठिई पण्णत्ता ? गोयमा ! जहणेणं पलिओवमं, उक्कोसेणं पण्णासं पलिओवमाई । ईसाणे णं भंते! कप्पे देवाणं केवइयं कालं ठिई पण्णत्ता? गोयमा! जहणणेणं साइरेगं पलिओवमं, उक्कोसेणं साइरेगाइं दो सागरोवमाई । ईसाणे णं भंते! कप्पे परिग्गहियादेवीणं केवइयं कालं ठिई पण्णत्ता ? गोयमा! जहण्णेणं साइरेगं पलिओवमं, उक्कोसेणं णवपलिओवमा । : ईसाणे णं भंते! कप्पे अपरिग्गहियादेवीणं केवइयं कालं ठिई पण्णत्ता ? गोयमा ! जहणेणं साइरेगं पलिओवमं, उक्कोसेणं पणपण्णं पलिओवमाई ।
सणकुमारे णं भंते! कप्पे देवाणं पुच्छा ।
गोयमा! जहणणेणं दो सागरोवमाई, उक्कोसेणं सत्तसागरोवमाई ।
माहिंदे णं भंते! कप्पे देवाणं पुच्छा ।
गोयमा! जहण्णेणं साइरेगाई दो सागरोवमाई, उक्कोसेणं साइरेगाई सत्तसागरोवमाई ।
बंभलोए णं भंते! कप्पे देवाणं पुच्छा ।
गोयमा ! जहणेणं सत्तसागरोवमाइं, उक्कोसेणं दससागरोवमाई ।
एवं कप्पे कप्पे केवइयं कालं ठिई पण्णत्ता ?
गोयमा ! एवं भाणियव्वं - लंतए-जहण्णेणं दससागरोवमाई, उक्कोसेणं चउद्दस
सागरोवमाइं ।
Jain Education International
For Personal & Private Use Only
www.jainelibrary.org
