Page Text
________________
८२
समवायांग सूत्र PAHARANATHMANHAR HARMAHARMATHEMAITHIMATHMARATHI विहे मरणे पण्णत्ते तंजहा - आविई मरणे, ओहि मरणे, आयंतिय मरणे, वलय मरणे, वसट्ट मरणे, अंतोसल्ल मरणे, तब्भव मरणे, बाल मरणे, पंडिय मरणे, बालपंडिय मरणे, छउमत्थ मरणे, केवलि मरणे, वेहाणस मरणे, गिद्धपिट्ठ मरणे. भत्तपच्चक्खाण मरणे, इंगिणि मरणे, पाओवगमण मरणे। सहुमसंपराए णं भगवं सुहुमसंपराएभावे वट्टमाणे सत्तरस कम्मपगडीओ णिबंधइ तंजहा - आभिणिबोहिय णाणावरणे, सुय णाणावरणे, ओहि णाणावरणे, मणपजव णाणावरणे, केवल णाणावरणे, चक्खु दंसणावरणे, अचल दंसणावरणे, ओहि दंसणावरणे, केवल दंसणावरणे, साया वेयणिजं जसोकित्ती णाम, उच्चागोयं दाणंतरायं लाभंतरायं भोगंतरायं उवभोगंतरायं वीरियअंतरायं। इमीसे णं रयणप्पभाए पुढवीए अत्थेगइयाणं णेरइयाणं सत्तरस पलिओवमाइं ठिई पण्णत्ता। पंचमीए पुढवीए अत्थेगइयाणं णेरड्याणं उक्कोसेणं सत्तरस सागरोवमाइं ठिई पण्णत्ता। छट्ठीए पुढवीए अत्थेगइयाणं णेरइयाणं जहण्णेणं सत्तरस सागरोवमाइं ठिई पण्णत्ता। असुरकुमाराणं देवाणं अत्थेगइयाणं सत्तरस पलिओवमाई ठिई पण्णत्ता। सोहम्मीसाणेसु कप्पेसु अत्थेगइयाणं देवाणं सत्तरस पलिओवमाइं ठिई पण्णत्ता। महासुक्के कप्पे देवाणं उक्कोसेणं सत्तरस सागरोवमाइं ठिई पण्णत्ता। सहस्सारे कप्पे देवाणं जहण्णेणं संत्तरस सागरोवमाइं ठिई पण्णत्ता। जे देवा सामाणं सुसामाणं महासामाणं पउमं महापउमं कुमुयं महाकुमुयं णलिणं महाणलिणं पुंडरीयं महापुंडरीयं सुक्कं महासुक्कं सीहं सीहकंतं सीहवीयं भावियं विमाणं देवत्ताए उववण्णा तेसिणं देवाणं उक्कोसेणं सत्तरस सागरोवमाइं ठिई पण्णत्ता। ते णं देवा सत्तरसेहिं अद्धमासेहिं आणमंति वा पाणमंति वा ऊससंति वा णीससंति वा । तेसिणं देवाणं सत्तरसेहिं वाससहस्सेहिं आहारट्टे समुप्पजइ । संतेगइया भवसिद्धिया जीवा जे सत्तरसेहिं भवग्गहणेहिं सिज्झिस्संति बुझिस्संति जाव सव्वदुक्खाणमंतं करिस्संति ॥ १७ ॥
कठिन शब्दार्थ - सत्तरस विहे - सतरह प्रकार का, असंजमे - असंयम, पेहा - प्रेक्षा, उवेहा - उपेक्षा, अवहट्ट - अपहृत्य, अप्पमजणा - अप्रमार्जना, माणुस्सुत्तरे - मानुष्योत्तर, णागराईणं - नाग राजाओं के, आवासपव्वया - आवास पर्वत, सव्वग्गेणं - सर्वाग्र-सब मिला कर, चारणाणं - जंघाचारण और विद्याचारणों की, तिरिया गई - तिर्की
Jain Education International
For Personal & Private Use Only
www.jainelibrary.org
| SR No. | 004182 |
| Book Title | Samvayang Sutra |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2007 |
| Total Pages | 458 |
| Language | Hindi, Sanskrit |
| Classification | Book_Devnagari & agam_samvayang |
| File Size | 10 MB |