________________
समवाय ५
Jain Education International
पांचवाँ समवाय
P
पंच किरिया पण्णत्ता तंजहा - काइया अहिगरणिया पाउसिया पारितावणिया पाणाइवाय किरिया । पंच महव्वया पण्णत्ता तंजहा - सव्वाओ पाणाइवायाओ वेरमणं, सव्वाओ मुसावायाओ वेरमणं, सव्वाओ अदिण्णादाणाओ वेरमणं, सव्वाओ मेहुणाओ वेरमणं, सव्वाओ परिग्गहाओ वेरमणं । पंच कामगुणा पण्णत्ता तंजहा सद्दा रूवा रसा गंधा फासा । पंच आसव दारा पण्णत्ता तंजहा - मिच्छत्तं, अविरई, पमाया, कसाया, जोगा। पंच संवरदारा पण्णत्ता तंजहा सम्मत्तं, विरई, अप्पमत्तया, अकसाया, अजोगया। पंच णिज्जर द्वाणा पण्णत्ता तंजहा - पाणाइवायाओ वेरमणं, मुसावायाओ वेरमणं, अदिण्णादाणाओ वेरमणं, मेहुणाओ वेरमणं, परिग्गहाओ वेरमणं । पंच समिईओ पण्णत्ताओ तंजहा इरियासमिई भासासमिई एसणासमिई आयाणभंडमत्तणिक्खेवणा समिई उच्चारपासवणखेलसिंघाणजल्लपारिट्ठावणिया समिई। पंच अत्थिकाया पण्णत्ता तंजहा धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए । रोहिणी णक्खत्ते पंच तारे पण्णत्ते । पुणव्वसु णक्खत्ते पंच तारे पण्णत्ते । हत्थ प्राक्खत्ते पंचतारे पण्णत्ते । विसाहाणक्खत्ते पंच तारे पण्णत्ते । धणिट्ठा णक्खत्ते पंच तारे पण्णत्ते । इमीसे णं रयणप्पभाए पुढवीए अत्थेगइयाणं णेरइयाणं पंच पलिओवमाइं ठिई पण्णत्ता । तच्चाए णं पुढवीए अत्थेगइयाणं प्रोरइयाणं पंच सागरोवमाई ठिई पण्णत्ता । असुरकुमाराणं देवाणं अत्थेगइयाणं पंच पलिओवमाई ठिई पण्णत्ता | सोहम्मीसाणेसु कप्पेसु अत्थेगइयाणं देवाणं पंच पलिओवमाई ठिई पण्णत्ता । सणंकुमारमाहिंदेसु कप्पेसु अत्थेगइयाणं देवाणं पंच सागरोवमाइं ठिई पण्णत्ता । जे देवा वायं सुवायं वायावत्तं वायप्पभं वायकंतं वायवण्णं वायलेस्सं वायज्झयं वायसिंगं वायसिद्धं वायकूडं वाउत्तरवडिंसगं सूरं सुसूरं सूरावत्तं सूरप्पभं सूरकंतं सूरवण्णं सूरलेस्सं सूरज्झयं सूरसिंगं सूरसिट्ठ सूरकूडं सूरुत्तरवडिंसगं विमाणं देवत्ताए उववण्णा तेसिणं देवाणं उक्कोसेणं पंच सागरोवमाइं ठिई पण्णत्ता । ते णं देवा पंचण्हं अद्ध मासाणं (पंचहिं अद्धमासेहिं ) आणमंति वा पाणमंति वा ऊससंति वा णीससंति वा । तेसिणं देवाणं पंचहिं
-
२१
For Personal & Private Use Only
www.jainelibrary.org
