________________
समवाय ३०
Jain Education International
साहारणट्ठा य जे केई, गिलाणम्मि उवट्ठिए । पण कुणई किच्चं, मज्झं पि से ण कुव्वइ ॥ २८ ॥ सढे णियडिपण्णाणे, कलुसाउल चेयसे । अप्पणी य अबोही य, महामोहं पकुव्व ॥ २९ ॥ जे कहाहिगरणाई, संपउंजे पुणो पुणो । सव्व तित्थाण भेयाणं, महामोहं पकुव्वइ ॥ ३० ॥ जे य आहम्मिए जोए, संपउंजे पुणो पुणो । सहाहेउं सहीहेउं, महामोहं पकुव्वइ ॥ ३१ ॥ जे य माणुस्सए भोए, अदुवा पारलोइए । ते तिप्पयंतो आसयइ, महामोहं पकुव्वइ ॥ ३२ ॥ इड्डी, जुई जसो वण्णो, देवाणं बल वीरियं । तेसिं अवण्णवं बाले, महामोहं पकुव्वइ । ३३ ॥ अपस्समाणो पस्सामि, देवे जक्खे य गुज्झगे । अण्णाणी जिणपूयट्ठी, महामोहं पकुव्वइ ॥ ३४ ॥ थेरे णं मंडियपुत्ते तीसं वासाई सामण्णपरियायं पाउणित्ता सिद्धे बुद्धे जाव सव्वदुक्खप्पहीणे । एंगमेगे णं अहोरते तीस मुहुत्ते मुहुत्तग्गेणं पण्णत्ते । एएसि णं तीसाए मुहुत्ताणं तीसं णामधेज्जा पण्णत्ता तंजहा- रोहे, सत्ते, मित्ते, वाऊ, सुपीए, अभिचंदे, माहिंदे, पलंबे, बंभे, सच्चे, आणंदे, विजए, विस्ससेणे, पयावच्चे, उधसमे, ईसाणे, तुठ्ठे, भावियप्पा, वेसमणे, वरुणे, सतरिसभे, गंधव्वे, अग्गिवेसायणे, आतवे, आवत्ते, तुटुवे, भूमहे, रिसभे, सव्वट्ठसिद्धे रक्खसे । अरे णं अरहा तीसं धणूई उड्ड उच्चत्तेणं होत्था । सहस्सारस्स णं देविंदस्स देवरण्णो तीसं सामाणियसाहस्सीओ पण्णत्ताओ। पासे णं अरहा तीसं वासाई अगारवासमझे वसित्ता अगाराओ अणगारियं पव्वइए । समणे भगवं महावीरे तीसं वासाई अगारवासमज्झे वसित्ता अंगाराओ अणगारियं पव्वइए । रयणप्पभाए पुढवीए तीसं णिरयावाससयसहस्सा पण्णत्ता । इमीसे णं रयणप्पभाए पुढवीए अत्थेगइयाणं णेरइयाणं तीसं पलिओवमाई ठिई पण्णत्ता । अहे सत्तमाए पुढवीए अत्येगइयाणं णेरइयाणं तीसं सागरोवमाइं ठिई
१४१
For Personal & Private Use Only
www.jalnelibrary.org
